JEREMÍAS 42:10 - Biblia Guarani Tumpa Iñee

¹⁰ ‘Peipota pepɨta yave kuae ɨvɨ pe, che ameeta peve peiko kavi vaerä; ngaraa pomokañɨtei, ameeta peve peñemoëta kavi vaerä jare ngaraa ma pogüɨnoe, echa chembopɨatɨtɨ ambou peve jókuae susere vae.

JEREMÍAS 42:10 ပူးပေါင်းရင်းမြစ်များ

2 SAMUEL 24:16

Jare Tumpa iaraɨgua ipo omopüa Jerusalén kotɨ omboai vaerä yave jasɨ yandeYa ipɨa pe jókuae, jayave jei araɨgua oporoyuka oï vae pe: “¡Joko peño mo, agüɨye mo!” Jókuae yandeYa iaraɨgua oï Jebús pegua Arauna itrigo oyembopiriría pe.

SALMOS 102:16

YandeYa omopüa ye Sión yave, oyekuaa iyemboetea yave,

SALMOS 106:45

imaendúa morogüɨrökuavee päve oyapo jae reta ndive vae re, jare oipoepɨ iyemongeta, iporoparareko yae jeko pegua.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 69:35

Echa Tumpa oepɨta Sión, jare omopüa pɨau yeta tëta guasu reta Judá pegua; yogüɨrekota pɨpe vae jare imbaerä oikota.

ÉXODO 32:14

Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.

JEREMÍAS 24:6

Ayangarekota jese reta, jare aru yeta kuae ɨvɨ pe. Amopüa reta yeta jare ngaraa ma amboai ye, añono retata jenda pe jare ngaraa ma anoe ye.

JEREMÍAS 26:19

¿Mburuvicha guasu Ezequías jare opaete Judá pegua reta oyuka yera Miqueas? Okɨɨye reta yandeYa güi, jare oyerure chupe. Jare yandeYa ¿oipoepɨä yera iyemongeta, oyapota tëi ikavimbae ikotɨ reta vae güi? Jayave yande, ¿yayapota pa ikavimbae yae vae yandekotɨ ae?”

JEREMÍAS 27:11

Ërei tëtaguasu oñemee mburuvicha guasu Nabucodonosor ipo pe vae, che amaeñota opɨta iɨvɨ pe, oikota pɨpe jare oparavɨkɨta. Che peYa ko jae kuae.”

JEREMÍAS 31:28

Aïndaivi aapomondoro vaerä jare ambosururu vaerä; ambojopa vaerä jare amokañɨ vaerä; jare ambopɨatɨtɨ vaerä: Jökorai vi aïndaivi amopüa ye vaerä jare ambopɨau ye vaerä.

JEREMÍAS 33:7

Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

JEREMÍAS 43:4

Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

EZEQUIEL 36:36

Jayave ïru tëtaguasu reta peɨ́vɨri yogüɨreko vae reta oikuaata che ko amopüa ye opa oyemboai oï vae, jare amaetɨ ɨvɨ opa oyemboai oï vae pe. Che peYa ko jae kuae jare ayapota ko.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

AMÓS 7:3

Jayave yandeYa oipoepɨ iyemongeta jókuae regua, jare jei: —¡Mbaetɨta jökorai!

AMÓS 7:6

Jayave yandeYa oipoepɨ iyemongeta jókuae regua, jare jei: —¡Mbaetɨta vi kuae jökorai!

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

JONÁS 3:4

Jonás omboɨpɨ oike tëta guasu rupi, tenondegua ara pe omboɨpɨ oñemoñee, jei körai: “¡Mase, kuae güi cuarenta araa pe Nínive okañɨteita!”

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

Hechos 15:16

“Kuae jaɨkue rupi ayu yeta, jare amopüa pɨau yeta David jo opa osururu oïgüe. Amopüa yeta osururugüe, jare ambopɨauta,

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.