JEREMÍAS 41:5 - Biblia Guarani Tumpa Iñee

⁵ yogüeru oväe Siquem güi, Silo jare Samaria güi ochenta kuimbae; kuae reta opa jovaraa oñapi güeru, jare jemimonde reta osoro jare jete reta opa ombopere güeru. Güeru reta temitɨ jäɨgüe jare ikäti kavi vae incienso, güɨraja reta vaerä yandeYa itupao pe.

JEREMÍAS 41:5 ပူးပေါင်းရင်းမြစ်များ

GÉNESIS 33:18

Jacob ou ye Padan-aram güi yave, ou kavi oväe tëta Siquem pe, ɨvɨ Canaán pe oï vae. Jare oyembojeyupa tëta Siquem jóvai.

GÉNESIS 34:2

ërei Siquem, Hamor heveo iñemuña taɨ mburuvicha jókuae tëta pegua, oecha, jare oipɨɨ kuñatai ipɨa rupiä jare oasa jae ndive.

GÉNESIS 37:12

Kuae jaɨkue rupi tɨkeɨ reta opa yogüɨraja omongaru tu ivecha reta ɨvɨ Siquem pe.

2 SAMUEL 10:4

Jayave Hanún opa oipɨɨ David jembiokuai reta, jare oñapi jañɨka-raa mbɨte rupi, oyasɨa vi jemimonde chugüi reta jevi rupi jare opa ye omondo reta.

1 REYES 12:1

Roboam, Salomón taɨ ojo Siquem pe, echa opaete Israel iñemuña reta yogüeru Siquem pe oñono vaerä mburuvicha guasurä.

1 REYES 12:25

Jayave Jeroboam omopüa pɨau ye tëta Siquem ɨvɨtɨ Efraín re, jare oiko pɨpe; jare oë joko güi, jare omopüa pɨau ye tëta Penuel.

1 REYES 16:24

Omri ogua Semer güi ɨvɨtɨ Samaria, sesenta y seis kilo korepoti re, jare omopüa joko pe tëta guasu oñekëse kavi vae jare ombojee Samaria, echa jókuae ɨvɨtɨ iyagüe jee Semer.

1 REYES 16:29

Treinta y ocho año ma oiko Asa Judá pe yave, Acab, Omri taɨ omboɨpɨ oï Israel pe.

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

1 CRÓNICAS 19:4

Jayave Hanún oipɨɨuka jókuae mburuvicha reta David ombou vae, jare opa oñapiasɨ jare oyasɨa jemimonde chugüi reta jevi rupi, jare opa ye omondo reta.

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

SALMOS 78:60

Jáeramo, oeya tupao guakapi pegua Silo pe oï vae, küaraɨa guakapi pegua, pɨpe oikose kuimbae reta ipɨte pe vae.

ISAÍAS 15:2

Opaete vae reta, tëta Bayit pegua jare tëta Dibón pegua oyeupi oyaeo, jae reta imbaemboetea ɨvɨtɨ re oimea pe. Moab pegua reta oyaeo tëta Nebo jare tëta Medeba ikañɨtei re. Opaete vae reta oñapiasɨta ia jare jendɨvaa ipɨatɨtɨ güi.

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

JEREMÍAS 41:4

Pɨareve pe, Gedalías oyuka güire, ndei vɨteri kia oikuaa mbove,

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

JEREMÍAS 48:37

Opaetei ia jare jendɨvaa oñapi reta; opaete oyembopere ipo reta rupi, jare oyemonde reta temimonde mbɨatɨtɨ pegua pe.

JEREMÍAS 7:12

Pekua añave Silo pe, tenonde ete cheree oyemboetea pe, jare pemae jese, kërai ikavimbae ayapo chupe, tëta Israel chembae vae ikavimbae oyapo vae jeko pegua.

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

DEUTERONOMIO 14:1

Pe jae ko yandeYa Tumpa taɨ reta. Agüɨye pembopere perete, agüɨye peñeapi kia omano yave.

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 24:32

Israel iñemuña reta oñotɨ Siquem pe José jetegüe, Egipto güi güeru reta vae, Jacob ogua ɨvɨ Hamor iñemuña reta güi cien reare korepoti pegua pe, Siquem tu güi; jókuae opɨta José iñemuña reta imbaerä.

JUECES 18:31

Joko pe güɨreko reta tumpa-raanga reta Micaía oyapogüe, opaete ara Silo pe Tumpa jo oime reve.

JUECES 9:1

Jerobaal taɨ Abimelec, ojo Siquem pe imiari vaerä ichɨ jaɨe reta ndive, jei reve:

1 SAMUEL 1:7

Jökorai año ñavo omoambeko avei; ojo yandeYa jo kotɨ yave; jáeramo Ana oyaeo jare okarúä.