JEREMÍAS 41:15 - Biblia Guarani Tumpa Iñee

¹⁵ Ërei Ismael, Netanías taɨ jare juri kuimbae jae ndive ñogüɨnoi vae, opa otekuarai Johanán güi jare yogüɨraja Amón iñemuña reta iɨvɨ pe.

JEREMÍAS 41:15 ပူးပေါင်းရင်းမြစ်များ

1 REYES 20:20

Jare metei ñavo oyuka tovaicho oporepeña jese yave, otekuarai Siriaɨgua reta. Israel iñemuña reta oaɨkuemoña, ërei Ben-adad, Siriaɨgua reta juvicha guasu otekuarai kavayu re, amogüe sundaro kavayu regua reta ndive.

2 REYES 25:25

Ërei chiúa yasɨ pe ou Ismael, Netanías taɨ, Elisama jɨmɨmino, jae ko Judá pegua mburuvicha iñemuña, güeru jupíe payandepo kuimbae, jare oyuka reta Gedalías; oyuka reta vi Judá pegua reta jare Caldeaɨgua reta jae ndive ñogüɨnoi Mizpa pe vae.

JOB 21:30

“Tumpa iyarasɨ yave ombou mbaesusere, jare jeko pɨ̈chɨi vae mbaetɨ maratu oiko”?

PROVERBIOS 28:17

Kuimbae oyuka japicha vae, omanota ko, ¡ngaraa kia oepɨ!

JEREMÍAS 41:14

Jare opa oyerova reta yogüɨraja oñemoïru Johanán ndive.

JEREMÍAS 41:2

Ismael, Netanías taɨ jare jókuae payandepo kuimbae opüa aramoete pegua jare kɨsepuku pe oyuka reta Gedalías, Ahicam taɨ, Safán jɨmɨmino, jókuae mburuvicha guasu Babilonia pegua oñono Judá pe oeya tëta juvicharä vae.

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”

1 SAMUEL 30:17

Jayave David opüa jese reta, ndeimbove güive kaaru regua, jare opaetei oyuka, jaeño ma oasayepe cuatrociento kunumi camello re opo otekuarai vae reta.