JEREMÍAS 40:8 - Biblia Guarani Tumpa Iñee

⁸ Yogüeru isundaro reta ndive Mizpa pe Gedalías pɨri. Jae ko: Ismael, Netanías taɨ; Johanán jare Jonatán, Carea taɨ reta; Seraías, Tanhumet taɨ; Efai Netofaɨgua taɨ reta; jare Jezanías, metei kuimbae Maaca pegua taɨ. Opaete kuae reta yogüeru isundaro reta ndive.

JEREMÍAS 40:8 ပူးပေါင်းရင်းမြစ်များ

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 SAMUEL 10:8

Jare Amón iñemuña reta oyeapo kavi ñeraro peguarä tëta guasu jöke pe etei; ërei Siriaɨgua sundaro reta Soba jare Rehob pegua, Is-tob pegua jare Maaca pegua isundaro reta ñogüɨnoi ïkotɨa kaa pe.

2 SAMUEL 23:34

Elifelet, Ahasbai Maaca taɨ; Eliam, Ahitofel Gilo pegua taɨ;

2 REYES 25:23

Judá pegua sundaro ruvicha reta, jare opaete isundaro reta oikuaa yave kuae regua, yogüeru Mizpa pe imiari vaerä Gedalías ndive. Jae ko Ismael, Netanías taɨ; Johanán, Carea taɨ; Seraías, Netofaɨgua Tanhumet taɨ; jare Jaazanías, metei kuimbae Maaca pegua taɨ. Yogüeru jupiegua ndive ndive.

2 REYES 25:25

Ërei chiúa yasɨ pe ou Ismael, Netanías taɨ, Elisama jɨmɨmino, jae ko Judá pegua mburuvicha iñemuña, güeru jupíe payandepo kuimbae, jare oyuka reta Gedalías; oyuka reta vi Judá pegua reta jare Caldeaɨgua reta jae ndive ñogüɨnoi Mizpa pe vae.

1 CRÓNICAS 11:30

Maharai, Netofaɨgua; Heled, Baana Netofaɨgua taɨ;

1 CRÓNICAS 2:48

Caleb kuña güɨrekoiño vae Maaca imembɨ reta jae: Seber jare Tirhana.

1 CRÓNICAS 2:54

Salma taɨ reta jae: Belén, Netofaɨgua reta, Atrot-bet-joab, ïru mbɨte rupi manahetita reta, zoraíta reta

ESDRAS 2:2

Kuae reta yogüeru Zorobabel ndive jare Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum jare Baana reta ndive. Opaete kuimbae Israel pegua reta oyepapa vae jae ko:

ESDRAS 2:22

Netofa pegua reta, cincuenta y seis.

NEHEMÍAS 7:26

Belén pegua jare Netofa pegua reta, ciento ochenta y ocho.

JEREMÍAS 37:15

Jare mburuvicha reta iyarasɨ Jeremías kotɨ, oinupauka jare oñonouka tembipɨɨrɨru oï ombaekuatía vae Jonatán jëta pe vae pe, echa jókuae yepe oipoepɨ reta tembipɨɨrɨrurä.

JEREMÍAS 37:20

Mburuvicha guasu, romoñera añave jare eendu cheve. Agüɨye emaeño tachereraja reta ye ombaekuatía vae Jonatán jëta pegua tembipɨɨrɨru pe, agüɨye vaerä amano joko pe.

JEREMÍAS 38:26

Ërei nde ere chupe reta, chemoñera ko agüɨye vaerä che romondo ye tembipɨɨrɨru oï Jonatán jëta pe vae pe, agüɨye vaerä remano joko pe.

JEREMÍAS 40:11

Jökorai vi opaete Judáɨgua reta ñogüɨnoi Moab pe vae, jare Amón iñemuña reta ipɨte pe vae, jare Edom pe, jare ïru ɨvɨ pe ñogüɨnoi vae reta oikuaa mburuvicha guasu Babilonia pegua omaeño amogüe Judáɨgua opɨta iɨvɨ pe, jare oñono oeya Gedalías tëta ruvicharä chupe reta vae.

JEREMÍAS 40:13

Johanán, Carea taɨ, jare opaete ïru sundaro ruvicha reta opɨta kaa rupi vae yogüɨraja Mizpa pe, Gedalías pɨri,

JEREMÍAS 40:14

jare jei reta chupe: —¿Mbaetɨ pa reikuaa Baalis, Amón pegua reta juvicha guasu ombou Ismael, Netanías taɨ, ndeyukauka vaerä? Ërei Gedalías mbaetɨ güɨrovia reta.

JEREMÍAS 40:15

Jayave Johanán, Carea taɨ jei vɨari Gedalías pe Mizpa pe: —Emaeño che taja tayuka Ismael, Netanías taɨ, mbaetɨ eteita kia oikuaa. ¿Maera pa ñamaeñota kia ndeyuka? Echa jökorai yave opata oñemoai kuae Judáɨgua reta yogüeru ndekotɨ vae, jare opata okañɨtei.

JEREMÍAS 40:6

Jeremías ojo Gedalías, Ahicam taɨ pɨri Mizpa pe, oiko jae ndive jare jókuae ɨvɨ pe opɨtagüe reta ndive.

JEREMÍAS 41:1

Chiúa yasɨ pe, Ismael, Netanías taɨ, Elisama jɨmɨmino, mburuvicha iñemuña pegua, ojo Mizpa pe oñoväe vaerä Gedalías, Ahicam taɨ ndive, ojo payandepo kuimbae ndive. Jare jókuae Mizpa pe okaru päve ñogüɨnoi ramboeve,

JEREMÍAS 41:11

Johanán, Carea taɨ, jare sundaro juvicha reta ñogüɨnoi jae ndive vae oikuaa yave jókuae yoyuka, Ismael, Netanías taɨ oyapogüe,

JEREMÍAS 41:2

Ismael, Netanías taɨ jare jókuae payandepo kuimbae opüa aramoete pegua jare kɨsepuku pe oyuka reta Gedalías, Ahicam taɨ, Safán jɨmɨmino, jókuae mburuvicha guasu Babilonia pegua oñono Judá pe oeya tëta juvicharä vae.

JEREMÍAS 42:1

Opaete sundaro ruvicha reta jare Johanán, Carea taɨ, jare Jezanías, Osaías taɨ jare opaete vae, paravete vae güive oikokatu vae pe,

JEREMÍAS 42:8

javoi jae oenɨi Johanán, Carea taɨ, jare jupiegua sundaro ruvicha reta jare opaete vae reta, paravete vae güive oikokatu vae pe,

JEREMÍAS 43:2

Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

JEREMÍAS 43:5

Johanán, Carea taɨ, jare opaete sundaro ruvicha reta omboatɨ opaete Judáɨgua jembɨregüe reta, opa ye yogüeru tëtaguasu reta güi yogüɨreko Judá pe vae reta:

DEUTERONOMIO 3:14

Manasés iñemuña pegua Jair opɨ̈ro opaete ɨvɨ Argob ojoi oya Gesur jare Maaca iɨvɨ jembeɨ re, jare ombojee Basán-havot-jair, añave regua.

JOSUÉ 12:5

Jare oporookuaise ɨvɨtɨ Hermón pe, Salca pe, opaete Basán güive Gesur jare Maaca jembeɨ pe, jare Galaad mbɨte rupi, Sehón, mburuvicha guasu Hesbón pegua iɨvɨ pe.