JEREMÍAS 40:5 - Biblia Guarani Tumpa Iñee

⁵ Nekɨ̈reɨ repɨtaño yave, ekua ye Gedalías, Ahicam taɨ, Safán jɨmɨmino pɨri, mburuvicha guasu Babilonia pegua oñono tëta reta Judá pegua juvicharä oeya vae pɨri, eiko jae ndive jare nerëta pegua reta ndive. Ekua, jaekavita ndevea pe.” Javoi sundaro omaeäro vae reta juvicha omee Jeremías pe mbota jare jembiurä, javoi omboyupavo.

JEREMÍAS 40:5 ပူးပေါင်းရင်းမြစ်များ

2 REYES 22:12

mburuvicha guasu oyókuai sacerdote Hilcías, jare Ahicam, Safán taɨ, Acbor, Micaías taɨ, ombaekuatía vae Safán jare Asaías mburuvicha guasu iyɨvɨrigua, jei chupe reta:

2 REYES 22:14

Jayave sacerdote Hilcías, Ahicam, Acbor, Safán jare Asaías yogüɨraja ñeemombeúa kuña Hulda pɨri, Salum jembireko; Salum jae ko Ticva taɨ, Harhas jɨmɨmino, temimonde reta iñovatúa. Hulda oiko tëta guasu Jerusalén jembeɨ kotɨ, jare omomiari reta yave,

2 CRÓNICAS 34:20

jupiveiño mburuvicha guasu oyókuai sacerdote Hilcías, jare Ahicam, Safán taɨ, jare Abdón, Micaías taɨ, jare ombaekuatía vae Safán, jare Asaías mburuvicha guasu iyɨvɨrigua, jei chupe reta:

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

ESDRAS 7:6

Kuae Esdras ou ye Babilonia güi. Jae ko mborookuai re oporomboe vae, oikuaa yae jese, yandeYa, Israel iTumpa omee Moisés rupi vae; jare mburuvicha guasu omee chupe opaete mbae oiporu vae, iYa Tumpa omborɨ ramo.

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

JOB 22:29

Echa Tumpa omomichi oyembotuicha vae, jare ombotuicha oñemomichi vae.

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

JEREMÍAS 15:11

Iyepopeyu reta toyembopo, cheYa, mbaetɨ yave ayeokuai kavi ndeve, mbaetɨ yave ayerure tovaicho reta re ndeve, ñogüɨnoi yave susere pe ani mbɨatɨtɨ pe.

JEREMÍAS 26:24

Ërei Ahicam, Safán taɨ, omoë iñee oepɨ vaerä Jeremías, jare kuae jei vae rupi mbaetɨ omboeterenga reta Jeremías opaete vae reta ipo pe, oyuka reta vaerä.

JEREMÍAS 39:14

omondo güɨnoeuka Jeremías tembipɨɨrɨru joka güi, jare omee Gedalías, Ahicam taɨ, Safán jɨmɨmino pe, güɨraja vaerä jëta pe oyangareko jese. Jökorai, Jeremías opɨta oiko opaete vae reta ipɨte pe.

JEREMÍAS 40:4

Mase, añave voi aekɨ ndegüi karena reyepokua pɨpe vae. Nekɨ̈reɨ reo cherupíe Babilonia pe yave, yaja; che ayangarekota nderé. Ërei mbaetɨ nekɨ̈reɨ reo yave, epɨtaño. Eiparavo ɨvɨ nde reipota reiko pɨpe vae, jaekavita ndeve vae.

JEREMÍAS 41:1

Chiúa yasɨ pe, Ismael, Netanías taɨ, Elisama jɨmɨmino, mburuvicha iñemuña pegua, ojo Mizpa pe oñoväe vaerä Gedalías, Ahicam taɨ ndive, ojo payandepo kuimbae ndive. Jare jókuae Mizpa pe okaru päve ñogüɨnoi ramboeve,

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

JEREMÍAS 41:2

Ismael, Netanías taɨ jare jókuae payandepo kuimbae opüa aramoete pegua jare kɨsepuku pe oyuka reta Gedalías, Ahicam taɨ, Safán jɨmɨmino, jókuae mburuvicha guasu Babilonia pegua oñono Judá pe oeya tëta juvicharä vae.

Hechos 27:3

Pɨareve pe rojo roväe tëta guasu Sidón pe. Jare Julio ipɨakavi Pablo pe. Jáeramo omaeño jese ojo vaerä opou ivɨa-ïru reta pɨri, jae reta oyangareko vaerä jese.

Hechos 27:43

Ërei cien sundaro vae juvicha oipota oepɨ Pablo ramo, jei sundaro reta pe agüɨye vaerä oyuka reta. Oyókuai ipuere oɨtai vae reta räri oa vaerä ɨ pe, yogüɨraja vaerä oväe ɨvɨ pe.

Hechos 28:10

Jayave jae reta omee vi oreve jeta mbaembae. Jare royeupi ye yave barco pe, jeta orembotapeke reta.

Hebreos 13:6

Jáeramo yandepuere yae yakɨɨyembae reve körai: “YandeYa ko chemborɨ vae. Ngaraa akɨɨye mbae oyapota cheve vae güi.”