JEREMÍAS 40:14 - Biblia Guarani Tumpa Iñee

¹⁴ jare jei reta chupe: —¿Mbaetɨ pa reikuaa Baalis, Amón pegua reta juvicha guasu ombou Ismael, Netanías taɨ, ndeyukauka vaerä? Ërei Gedalías mbaetɨ güɨrovia reta.

JEREMÍAS 40:14 ပူးပေါင်းရင်းမြစ်များ

ISAÍAS 26:10

Yepe tëi renoi mboroparareko jupimbae reta re, ërei jae reta ngaraai omomoe jupi vae, jekuae ñotai ko oyapo reta ikavimbae, isɨmbi vae reta ñogüɨnoia pe, echa mbaetɨ oipoɨu reta ndegüi cheYa.

JEREMÍAS 25:21

Edom, Moab jare Amón iñemuña reta;

JEREMÍAS 40:13

Johanán, Carea taɨ, jare opaete ïru sundaro ruvicha reta opɨta kaa rupi vae yogüɨraja Mizpa pe, Gedalías pɨri,

JEREMÍAS 40:8

Yogüeru isundaro reta ndive Mizpa pe Gedalías pɨri. Jae ko: Ismael, Netanías taɨ; Johanán jare Jonatán, Carea taɨ reta; Seraías, Tanhumet taɨ; Efai Netofaɨgua taɨ reta; jare Jezanías, metei kuimbae Maaca pegua taɨ. Opaete kuae reta yogüeru isundaro reta ndive.

JEREMÍAS 41:1

Chiúa yasɨ pe, Ismael, Netanías taɨ, Elisama jɨmɨmino, mburuvicha iñemuña pegua, ojo Mizpa pe oñoväe vaerä Gedalías, Ahicam taɨ ndive, ojo payandepo kuimbae ndive. Jare jókuae Mizpa pe okaru päve ñogüɨnoi ramboeve,

JEREMÍAS 41:10

Oipɨɨ vi mburuvicha guasu tayɨ reta jare Mizpa pe opɨtagüe reta, Nabuzaradán sundaro omaeäro vae juvicha omee Gedalías, Ahicam taɨ ipo pe vae. Ismael opa oipɨɨ jare yogüɨraja oasa reta vaerä Amón iñemuña reta iɨvɨ kotɨ.

JEREMÍAS 41:2

Ismael, Netanías taɨ jare jókuae payandepo kuimbae opüa aramoete pegua jare kɨsepuku pe oyuka reta Gedalías, Ahicam taɨ, Safán jɨmɨmino, jókuae mburuvicha guasu Babilonia pegua oñono Judá pe oeya tëta juvicharä vae.

MIQUEAS 7:5

Agüɨye erovia ndevɨa-ïru, agüɨye erovia mburuvicha iñee ave; nderembireko güi eyeandu, agüɨye emoë neñee.