JEREMÍAS 40:10 - Biblia Guarani Tumpa Iñee

¹⁰ Che, apɨtata Mizpa pe, añemoë vaerä peré Caldeaɨgua reta jóvai, yogüeru yave kuae pe. Peparavɨkɨ, pemboɨru vino, temitɨ ia oñemotinigüe jare olivo iasaite, jökorai peiko tëta guasu reta peikota pɨpe vae pe.”

JEREMÍAS 40:10 ပူးပေါင်းရင်းမြစ်များ

2 SAMUEL 16:1

Jare David oasamí ma ɨvɨtɨ yave, ko ou oövaiti Siba, Mefi-boset jembiokuai. Güɨraja mókoi mburika kuimbae ivoɨta reve reve, güɨraja dosciento mbɨyape, cien iɨ uva ia oñemotini oyeapasogüe, cien ipe ɨva oñemotini oyeapasogüe, jare vino metei jɨru.

1 REYES 10:8

¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

PROVERBIOS 22:29

Iparavɨkɨ oyapo kavi vae, oyeokuaita mburuvicha guasu pe, mbaetɨta oparavɨkɨ oipotagüe pe.

PROVERBIOS 27:25

Jokɨta kapii, jokɨta ñana, jare oñeñovatuta mɨmba jembiurä,

ISAÍAS 16:9

Jáeramo, ayaeota tëta Sibma jemitɨ reta re tëta Jazer oyaeo rami, apɨyereta cheresaɨ nderé tëta guasu Hesbón jare Eleale, echa ndembaarɨvo jare ndembaepoo iara pe outa ñeraro.

JEREMÍAS 35:19

Jáeramo che, peYa Imbaepuere yae ete vae Israel iTumpa jae, ngaraa oata Jonadab, Recab taɨ iñemuña reta güi oyeokuai avei vaerä cheve.’ ”

JEREMÍAS 39:10

Jaeño oeya ɨvɨ Judá pe paravete yae vae reta, mbaetɨ etei mbae güɨnoi vae, omee chupe reta uvarupa jare ɨvɨ.

JEREMÍAS 40:12

Jayave yogüeru ye Judáɨgua reta ɨvɨ Judá pe, opaete ketɨ ketɨ rupi ñogüɨnoia güi, Gedalías pɨri Mizpa pe. Jare omboɨru reta vino jare temitɨ ia oñemotinigüe jeta yeyé.

JEREMÍAS 40:6

Jeremías ojo Gedalías, Ahicam taɨ pɨri Mizpa pe, oiko jae ndive jare jókuae ɨvɨ pe opɨtagüe reta ndive.

JEREMÍAS 43:5

Johanán, Carea taɨ, jare opaete sundaro ruvicha reta omboatɨ opaete Judáɨgua jembɨregüe reta, opa ye yogüeru tëtaguasu reta güi yogüɨreko Judá pe vae reta:

JEREMÍAS 48:32

Uvarupa Sibma pegua, roäpirota vi, oasa ete yeta Jazer oñeäpiro vae güi. Nderembo reta oasa ye yepi ɨguasu, ojoi oväe Jazer pe. Ërei añave uva reipoose vae oyemboai opɨta.

MIQUEAS 7:1

¡Tataɨ re! Kuaraɨ guasu pe temitɨ iagüe oeka vae rami ko aï, uva iagüe re oyevɨka reta vae rami, ërei mbaetɨ etei kërai yepe aväe; ayúe tëi mbaagüɨyerɨpɨ.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

DEUTERONOMIO 1:38

Josué, Nun taɨ ndemborɨ vae, jae oiketa nderekovia pe jókuae ɨvɨ pe, emoäta ngatu, echa jae omeeta ɨvɨ Israel iñemuña reta pe.

DEUTERONOMIO 16:13

Opa pearɨvo trigo jare peitɨami uva yave, peyapo arete ikavi yae vae chiu ara, o ñairaka pegua iyarete.