JEREMÍAS 4:30 - Biblia Guarani Tumpa Iñee

³⁰ Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

JEREMÍAS 4:30 ပူးပေါင်းရင်းမြစ်များ

2 REYES 9:30

Jayave Jehú ojo Jezreel pe. Jezabel oikuaa yave, ombojovɨ jesakua, jare ia omopöra; javoi oñeñono metei ventana pe.

PROVERBIOS 6:25

Agüɨye ipöra güiño eipota emae jese; ¡agüɨye tandembotavɨ jesa omopöra vae rupi!

PROVERBIOS 7:10

Güɨramoiño metei kuña oë oövaiti, kuña iyaguasa pota rami oyemonde vae, ipoki yae oporombotavɨ vae,

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

ISAÍAS 20:6

Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

JEREMÍAS 13:21

¿Mbae pa rereta, Jerusalén, jókuae nderemimboe reta renoi nderuvicharä yave? ¿Ngaraa ra jasɨ ndeve, kuña imembɨrasɨ vae pe jasɨ yae rami?

JEREMÍAS 22:23

Añave nde reiko pɨagüive ndero kavi pe, oñeova ɨ̈vɨrare reta Líbano pegua pe vae pe. ¡Ërei jaema reiporarata, jasɨ katu yae vae ou nderé yave! Kuña imembɨrasɨ oï vae rami.”

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

LAMENTACIONES 1:19

Asapúkai tëi cheraɨu vae reta pe, ërei jae reta chembotavɨ. Chesacerdote reta jare chetenondegua reta opa omano tëta guasu pe, oeka reta tëi tembíu, agüɨye vaerä jovaruru.

LAMENTACIONES 1:2

Ipɨatɨtɨ yae reve oyaeo pɨ̈tu rupi, jesaɨ osɨrɨ jova rupi. Opaete oaɨu vae reta güi, mbaetɨ metei ave ou ombopɨakatu vae. Opaete ivɨa-ïru reta ave oyembosɨrɨ chugüi, oyemboyovaicho reta ikotɨ.

LAMENTACIONES 4:17

Oreresa ikangɨi roäro tëi yemborɨ. Roäroiño ma metei tëtaguasu mbaetɨta ipuere oporoepɨ vae.

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

ABDÍAS 1:7

Opaete pe ndive oñemoïru vae pe peyembotavɨuka; perenoe pemombo peɨvɨ güi ae, pevɨa-ïru reta ave oyovaicho pekotɨ jare pevɨa-ïru reta oñono peraperä pe ñuai. ¡Edom pegua reta mbaetɨ güɨnoi arakuaa katu!”

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Apocalipsis 17:13

Opaete kuae payandepo mburuvicha guasu reta metei ramiño ko iyemongeta, jare omee retata mbaepuere jókuae mbaemɨmba guasu pe.

Apocalipsis 17:2

Ɨvɨ pegua mburuvicha guasu reta oyapo aguasa jókuae kuña ndive, ɨvɨ pegua reta jou vino rami jókuae teko ikavimbae vae.”

Apocalipsis 17:4

Jare jókuae kuña jemimonde pɨ̈taü jare pɨ̈taasɨ, jare oñemopöra oro, ita ipöra yae vae reta pe; güɨnoi ipo pe metei kopa oro pegua, tɨnɨe oï mbae pɨ̈chɨi vae pe jare ikavimbae vae pe;