JEREMÍAS 4:29 - Biblia Guarani Tumpa Iñee

²⁹ Sundaro kavayu regua reta jare uvɨ regua reta oyeendu yave, opa otekuarai tëta guasu pegua reta; oñemi reta kaa tëɨ vae rupi jare oyeupi reta ɨ̈vavira re. Tëta guasu reta opɨta ipombae, mbaetɨ kia ave opɨta pɨpe.

JEREMÍAS 4:29 ပူးပေါင်းရင်းမြစ်များ

2 CRÓNICAS 33:11

Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

ISAÍAS 6:12

che ndeYa opa regua omombo mombɨrɨ kuimbae reta, jare kuae ɨvɨ opaetei ipombae opɨta regua.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

San Lucas 23:30

Jayave omboɨpɨta jei ɨvɨtɨ guasu reta pe vae: “¡Pesururu oreré! ¡Oreasoi!”

1 SAMUEL 13:6

Jare Israel iñemuña reta oecha opaetei oñeova ñogüɨnoi yave, oñemi reta ɨ̈aka-soro rupi, ɨvɨkua rupi, ɨ̈vavira rupi, ita guasu ipäu rupi, ɨrɨru rupi.