JEREMÍAS 4:26 - Biblia Guarani Tumpa Iñee

²⁶ Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 4:26 ပူးပေါင်းရင်းမြစ်များ

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

JEREMÍAS 12:13

Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 25:11

Opaeteita kuae tëtaguasu oyemboai; jare opɨtata tëtagüerä. Setenta año rupi kuae tëtaguasu reta yogüɨrekota mburuvicha guasu Babilonia pegua ipo pe.

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

LAMENTACIONES 2:7

YandeYa opa omombo, mɨmba oyeyuka oyeapɨ jese vae, güɨröɨro jo mbaemboetea; omee tovaicho ipo pe tëta guasu ikësea. Jare jae reta, ¡arete pe jeta yae vae oyeendu sapúkai rami yandeYa jo pe!

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!