JEREMÍAS 4:22 - Biblia Guarani Tumpa Iñee

²² YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 4:22 ပူးပေါင်းရင်းမြစ်များ

GÉNESIS 39:16

Jayave jae oñovatu José jemimondegüe, ime ou regua oike jo pe.

2 SAMUEL 13:3

Ërei Amnón oime ivɨa-ïru Jonadab jee vae, jae ko Simea, David tɨkeɨ taɨ; Jonadab ko kuimbae ipoki yae oporombotavɨ vaerä vae.

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

SALMOS 36:4

Jupa pe oyemongeta ikavimbae reño; oiko ikavimbae rupi, mbaetɨ güɨröɨro ikavimbae.

SALMOS 53:4

Mbaetɨ güɨnoi arakuaa ikavimbae iyapoa reta, omboendagüe oeya cherëta pegua reta, mbɨyape jou vae ramiño, jókuae mbaetɨ oyerure Tumpa pe vae reta.

SALMOS 82:5

Ërei ngatu pe reta mbaetɨ peikuaa; peiko pɨtumimbi pe rami. Okana opaete ɨvɨ iguapɨka reta.

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 13:23

¿Ñaguanau ipuere pa ipireyu? ¿Yaguapara ipuere pa oyeekɨ ipïra? Jökorai ko peyepokuaa ikavimbae pe, ngaraai pepuere peyapo ikavi vae.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 4:21

¿Kërai yave regua pa aechata bandera ñeraro pegua, ani kërai yave pa aendu poita mimbɨguasu iñee ñeraro pegua?”

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

JEREMÍAS 5:4

Che jae cheyeupe: Yarakuaambae retaño ko mbaetɨ jeko kavi, echa mbaetɨ oikuaa reta yandeYa jemimbota regua jare iporookuai reta.

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

JEREMÍAS 9:5

Metei ñavo ombotavɨ ivɨa-ïru, mbaetɨ etei kia ave jei añetete vae. Oyepokuaa reta iyapu; ikavimbae yae reta ko, yavai yae oyepoepɨ reta vaerä.

EZEQUIEL 16:30

Che ndeYa Tumpa jae körai: ¡Mbaetɨ ndepɨa jenda peño, reyapo opaete iyaguasa pota vae jeko nemarambae reve!

OSEAS 4:1

Israel iñemuña reta, peyeapɨsaka yandeYa iñee re, echa jae oyoaka kuae ɨvɨ pe yogüɨreko vae ndive, echa kuae ɨvɨ pe mbaetɨ ma añete vae, oyoparareko vae, ani Tumpa oikuaa vae.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 5:4

Mbaetɨ oyemongeta reta oyepoepɨ vaerä iTumpa pe, echa aguasa reño yemongeta vae güɨnoi reta ipɨa pe, jare mbaetɨ oikuaa reta yandeYa.

AMÓS 3:10

YandeYa jei: “Jae reta mbaetɨ oikuaa oyapo jupi vae; oñovatu reta jo kavi reta pe oñomigüe jare opɨ̈rogüe.”

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

San Lucas 16:8

Jare kuimbae oikokatu vae omboete imbaembae iyangarekoa ñarakuaa vae, ipoki reve oyapo iyeupe vae re. Echa kuae ɨvɨ pegua reta oikatu yae ko iyeupe ïru ndive Tumpa pe oyeokuai vae reta güi.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

Romanos 1:22

Iyarakuaa katu yae reta oyeapo, ërei iyarakuaambae vae reta ko.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 16:19

Peñeereendu jërakua opaete vae pe. Jáeramo ayerovia peré. Aipota pearakuaa peyapo vaerä ikavi vae, ërei agüɨye pearakuaa katu peyapo vaerä ikavimbae;

Romanos 3:11

Mbaetɨ ko kia oikuaa Tumpa vae, mbaetɨ oeka Tumpa vae.

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

DEUTERONOMIO 32:28

Ërei Israel ko tëtaguasu mbaetɨ iyarakuaa vae.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!