JEREMÍAS 4:2 - Biblia Guarani Tumpa Iñee

² ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 4:2 ပူးပေါင်းရင်းမြစ်များ

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

OSEAS 2:19

Jare pogüɨrekota cheyeupe jekuae avei pegua; pogüɨrekota cheyeupe, jupi rupi, morojäa añete vae rupi, mbɨakavi rupi jare mboroparareko rupi.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

ZACARÍAS 8:8

jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

1 Corintios 1:31

Jáeramo, yayapo oyekuatía oï rami. Echa jei: “Kia ikɨ̈reɨ oyemboete vae, toyemboete yandeYa re.”

2 Corintios 10:17

Ërei kia ikɨ̈reɨ oyemboete vae, toyemboete yandeYa re.

Gálatas 3:8

Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

RUT 3:13

Añave neköe kuae pe, pɨareve yaikuaata jae oipotata ra ndemboepɨ vae, oipota yave tandemboepɨ; ërei mbaetɨ yave oipota ndemboepɨ, che romboepɨta. YandeYa jee re kuae jae ndeve, añave eputuu köe regua.

1 SAMUEL 20:3

Jare David jei ye Tumpa jee re: —Nderu oikuaa kavi yae che jae ko ndevɨa-ïru, jáeramo ko mbaetɨ omombeu ndeve agüɨye vaerä ndembopɨatɨtɨ. ¡Ërei jae ndeve yandeYa jee re jare nderé re, michi yae ma oata amano vaerä!