JEREMÍAS 4:13 - Biblia Guarani Tumpa Iñee

¹³ Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 4:13 ပူးပေါင်းရင်းမြစ်များ

2 SAMUEL 1:23

Saúl jare Jonatán aaɨu vae reta, jekove pe ani mano pe ave yepe mbaetɨ oyomboyao reta oyougüi. ¡Güɨraké güi iñäkua yae reta yepi! ¡Yaguapope güi ipɨ̈rata yae reta yepi!

ISAÍAS 13:5

Matɨ güi yogüeru reta, matɨ ɨvɨ iyapɨ kotɨ güi, yandeYa güeru iyarasɨ pegua jembiporu reta, opa vaerä omboai ɨvɨ.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

ISAÍAS 5:28

Juvɨ reta jakuaroviasɨta, igüɨrapa oñemoataasɨta, ikavayu reta ipɨ ita ramita täta, ikäretou reta iruera kusumirou ramita;

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

JEREMÍAS 10:19

—¡Maera pa ko ayemboai apɨta! ¡Chepere jasɨ yae! Ërei, ¡taiporara kuae tembiporara reta!

JEREMÍAS 4:12

che ambouta ɨvɨtu vae, täta yaeta ko jókuae ɨvɨtu güi, echa jaema aiporaraukata chupe reta.”

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 46:18

Cheyé aeño arökuavee, jei Mburuvicha guasu yandeYa Imbaepuere yae ete, jee vae. Ɨvɨtɨ guasu Tabor tuicha yae ïru ɨvɨtɨ reta güi rami, jare ɨvɨtɨ guasu Carmelo ɨvate ɨguasu güi rami, jökorai jókuae tovaicho outa vae.

JEREMÍAS 48:40

YandeYa jei körai: “Moab jovaicho oporepeña ikotɨ, güɨraké ipepo oipɨso kavi oporepeña rami.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

LAMENTACIONES 4:19

Oreraɨkuemoña vae reta, iñäkua yae ete güɨraké güi; ¡oreraɨkuemoña ɨvɨtɨ rupi! ¡Okätɨro kavi reta ñuu rupi oreré!

EZEQUIEL 26:10

Mburuvicha guasu Nabucodonosor oike ma neröke rupi metei tëtaguasu pe oike opɨ̈ro vae rami yave, jeta yae oiketa kavayu re vae reta ndeatɨta ɨvɨtimbo pe, kavayu reta jare käretou reta iruera jɨapu pe, omokanata nekësea.

EZEQUIEL 38:9

Reyuta nde ama ɨvɨtuai reve vae rami, amapɨtu ɨvɨ oyasoi ramita reñova ɨvɨ opaete ndesundaro reta ndive jare jeta oñemoïru nde ndive vae reta ndive.’

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 7:4

Tenondegua jae ko yaguapope rami, ërei ipepo güɨraké ipepo rami. Che amae aï jese ramboeve, oyeekɨ chugüi ipepo reta, omopüa reta ɨvɨ güi jare omboyemboɨ ipɨ jaɨkuegua re, oyemboɨ metei kuimbae rami, jare oñemee chupe kuimbae ipɨa.

OSEAS 8:1

Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

MIQUEAS 2:4

Jókuae ara rupi oyeapota ñeerä peregua, jare oyapo retata tairari mbɨatɨtɨ pegua, jei reta reve: ‘Opaetei yayemboaiuka; Tumpa oipoepɨ yandeɨvɨ, ¡kërai opɨ̈ro yandegüi yandeɨvɨ! Omee jare omboyao ïru vae reta pe.’ ”

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

HABACUC 1:8

Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.

ZACARÍAS 6:1

Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!