JEREMÍAS 39:1 - Biblia Guarani Tumpa Iñee

¹ Sedequías chaúa año, payandepo yasɨa ma oiko mburuvicha guasurä Judá pe yave, Nabucodonosor mburuvicha guasu Babilonia pegua, yogüeru opaete isundaro reta ndive Jerusalén kotɨ, jare opa oñova reta.

JEREMÍAS 39:1 ပူးပေါင်းရင်းမြစ်များ

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

JEREMÍAS 32:1

YandeYa jei Jeremías pe, payandepo año ma Sedequías oiko mburuvicha guasurä Judá pe yave; jae ko dieciocho año ma Nabucodonosor oiko mburuvicha guasurä yave.

JEREMÍAS 34:1

Nabucodonosor, mburuvicha guasu Babilonia pegua, opaete isundaro reta jare ïru tëtaguasu pegua reta jae ipo pe ñogüɨnoi vae ndive, oyomboatɨ opüa Jerusalén re jare iyɨvɨrigua tëta guasu reta re yave, yandeYa jei Jeremías pe:

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 52:1

Sedequías güɨnoi veintiún año yave omboɨpɨ oiko mburuvicha guasurä, once año oiko mburuvicha guasurä Jerusalén pe. Ichɨ jee Hamutal; jae ko Jeremías, Libna pegua tayɨ.

JEREMÍAS 6:6

Echa yandeYa Imbaepuere yae ete vae jei körai: “¡Peyasɨa ɨvɨra reta jare pemopüa yeupika, Jerusalén pe peike vaerä! Kuae tëta guasu oiporara vaerä etei ko oï, echa tɨnɨe oï ikavimbae pe.

EZEQUIEL 33:21

Docea año, payandepoa yasɨ pandepo araa ma roiko tembipɨɨrä ïru ɨvɨ pe yave, metei kuimbae otekuarai Jerusalén güi vae ou omombeu cheve körai: “Tëta guasu oa ma tovaicho reta ipo pe.”

EZEQUIEL 4:3

Eipɨɨ metei jiero ipe vae, jare eñono tëta guasu ikësea jekovia pe, nde jare tëta guasu ndive toï peve mbɨte pe, javoi eñeñono tëta guasu re reñemopüa rami. Kuae ko jae oyembojaanga vaerä Israel iñemuña reta pe.

EZEQUIEL 40:1

Veinticinco añoa ma roiko tembipɨɨrä yave, año iyɨpɨ ete re, payandepo araa pe, jae ko catorce añoa ma tëta guasu Jerusalén oñepɨ̈ro yave, yandeYa imbaepuere ou cheré jare chereraja jokotɨ.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.