JEREMÍAS 38:20 - Biblia Guarani Tumpa Iñee

²⁰ Jeremías jei chupe: —Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

JEREMÍAS 38:20 ပူးပေါင်းရင်းမြစ်များ

GÉNESIS 12:13

Jáeramo, aja kavi vaerä ndereko pegua, rereta kuri chupe reta nde ko jae chereindɨ vae, jökorai aikove vaerä ndereko pegua.”

GÉNESIS 19:20

Mase, ko tëta raɨ oï kuae güi köiño vae, jokotɨ atekuarai vaerä. ¡Pemaeño tatekuarai jokotɨ jare taroasayepe cherekove! ¿Kuae tëta michi yaeä pa?

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

PROVERBIOS 4:4

jare cheru chemboe yepi körai: “Eñovatu ndepɨa pe cheñee reta; eyapo cheporookuai reta jare reikoveta reiko.

PROVERBIOS 7:2

Eendu cheporookuai reta jare cheporomboe reta; eyangareko jese, neresäɨ kunumi re reyangareko rami, jare reiko pukuta.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 11:8

Ërei mbaetɨ oyeapɨsaka ani oyapo reta che jaegüe, oyapo reta ipɨa jemimbotaño. Mbaetɨ oipota oyapo reta che jae vae ramo, ambou chupe reta tembiporara reta kuae morogüɨrökuavee päve pe oyekuatía oï vae.’ ”

JEREMÍAS 26:13

Añave peyeapo kavi pereko reta güi jare perembiapo reta güi, jare peendu peYa Tumpa iñee, jayave yandeYa oipoepɨta iyemongeta, oyapota tëi ikavimbae peve vae güi.

JEREMÍAS 38:21

YandeYa oechauka cheve kuae oasata vae; mbaetɨ yave reñemee;

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

AMÓS 5:4

YandeYa jei Israel iñemuña reta pe: “Peyu chekotɨ jare peikoveta.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

Hechos 26:29

Jayave Pablo jei chupe: —Mbae mona Tumpa oipota jarembae ani ɨma pe, nde jare opaete ïru añave oyeapɨsaka cheré vae reta peyeapo vaerä che rami, ërei agüɨye kuae nunga karena ndive.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.