JEREMÍAS 38:2 - Biblia Guarani Tumpa Iñee

² “YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’

JEREMÍAS 38:2 ပူးပေါင်းရင်းမြစ်များ

JEREMÍAS 21:4

‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.

JEREMÍAS 24:8

Ërei ngatu Sedequías, mburuvicha guasu Judá pegua, jare mburuvicha reta jare ïru Jerusalén pegua reta opɨtaño kuae ɨvɨ pe vae, ani oñemoëta Egipto pe vae, amaeta jese reta ɨva ikavimbae yae vae rami, jókuae mbaetɨ etei ikavi oyeu vaerä vae rami.

JEREMÍAS 27:11

Ërei tëtaguasu oñemee mburuvicha guasu Nabucodonosor ipo pe vae, che amaeñota opɨta iɨvɨ pe, oikota pɨpe jare oparavɨkɨta. Che peYa ko jae kuae.”

JEREMÍAS 27:13

¿Maera pa pemanota, nde jare nerëta pegua reta kɨsepuku pe ani karuai jare mbaerasɨ ovakatu vae rupi, yandeYa jei rami tëtaguasu mbaetɨ oñemee oyeokuai vaerä mburuvicha guasu Babilonia pe vae?

JEREMÍAS 29:16

(YandeYa jei mburuvicha guasu oguapɨ David iguapɨa pe vae regua, jare opaete kuae tëta guasu pegua reta regua, perëtara reta mbaetɨ oyereraja tembipɨɨrä pe ndive vae reta kotɨ:

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 39:18

Che rogüɨroasayepeta, ngaraa ndeyuka reta. Reasayepeta tekove ndive, echa rerovia cheré. Che ndeYa ko jae kuae.’ ”

JEREMÍAS 42:17

Opaete ikɨ̈reɨ ojo oiko Egipto pe vae, omanota joko pe ñeraro rupi, karuai jare mbaerasɨ ovakatu vae rupi. Mbaetɨ eteita kia oikove; mbaetɨ eteita kia oasayepe susere tuicha yae aruta jese reta vae güi.’

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 44:13

Jökorai aiporaraukata Egipto pe yogüɨreko vae pe, Jerusalén pegua reta pe aiporarauka rami, ñeraro rupi, karuai jare mbaerasɨ ovakatu vae rupi.

JEREMÍAS 45:5

¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 6:11

YandeYa jei cheve: “Eäpiro, eyoko yoko neäka, neräse Israel pegua reta ikavimbae yae oyapo vae re, echa ñeraro pe, karuai pe jare mbaerasɨ ovakatu vae rupi omano retata.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.