JEREMÍAS 37:19 - Biblia Guarani Tumpa Iñee

¹⁹ ¿Ketɨ pa oime ñogüɨnoi jókuae ñeemombeúa reta, omoërakua mbaetɨta ko mburuvicha guasu Babilonia pegua opüa peré ani kuae tëtaguasu re vae reta?

JEREMÍAS 37:19 ပူးပေါင်းရင်းမြစ်များ

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 29:31

“Emondo ere opaete tembipɨɨrä ñogüɨnoi ïru ɨvɨ pe vae reta pe, che peYa jae: Semaías, Nehelam pegua imiari ma peve cheree re che ayokuaimbae reve, jare güɨroviauka peve añetembae vae,

JEREMÍAS 6:14

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 8:11

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 13:2

“Nde kuimbae, emombeu maratuta oasa Israel iñeemombeuaraanga reta vae; jókuae ñeemombeuaraanga reta iyeugüi aeño omoërakua vae. Ere chupe reta toyeapɨsaka cheñee re:

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

DEUTERONOMIO 32:38

jókuae mɨmba oyeyukagüe pemeese vae ikɨragüe jou vae reta, jare vino mbota pemeese vae jou vae reta? ¡Topüa reta tapemborɨ! ¡Toyogüeru tapeangareko!