JEREMÍAS 37:17 - Biblia Guarani Tumpa Iñee

¹⁷ mburuvicha guasu Sedequías omondo güɨnoeuka jare güeruruka jae oïa pe; jare Jeremías oyereraja ma mburuvicha guasu jóvai yave, jae oparandu vɨari chupe: —¿Oime pa mbae nunga ñee yandeYa güi? Jeremías jei chupe: —Oime. Jae ko kuae: “Nde cheruvicha guasu, reata mburuvicha guasu Babilonia pegua ipo pe.”

JEREMÍAS 37:17 ပူးပေါင်းရင်းမြစ်များ

1 REYES 22:15

Javoi ou mburuvicha guasu jóvai, jare oparandu chupe: —Micaías, ¿jaekavi pa roporepeña vaerä tëta Ramot, ɨvɨ Galaad pe, ani mbaetɨ pa? Micaías jei: —Peporepeña jese, jare remoamɨrita, echa yandeYa omeeta ndepo pe.

1 REYES 22:16

Ërei mburuvicha guasu jei chupe: —¿Mbovɨ ye pa jaeta ndeve, Tumpa jee re remombeu kavi vaerä cheve añete vae?

2 REYES 25:7

Opa oñaseokɨ̈ti Sedequías taɨ reta jae jovake etei; jare Sedequías güi güɨnoe reta jesäɨ, jare oipokua reta karena pe güɨraja Babilonia kotɨ.

JEREMÍAS 15:11

Iyepopeyu reta toyembopo, cheYa, mbaetɨ yave ayeokuai kavi ndeve, mbaetɨ yave ayerure tovaicho reta re ndeve, ñogüɨnoi yave susere pe ani mbɨatɨtɨ pe.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 24:8

Ërei ngatu Sedequías, mburuvicha guasu Judá pegua, jare mburuvicha reta jare ïru Jerusalén pegua reta opɨtaño kuae ɨvɨ pe vae, ani oñemoëta Egipto pe vae, amaeta jese reta ɨva ikavimbae yae vae rami, jókuae mbaetɨ etei ikavi oyeu vaerä vae rami.

JEREMÍAS 25:35

Vecha iyangarekoa reta ngaraa ipuere otekuarai, vecha reta jeroataa reta ngaraa ojoyepe.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 38:5

Mburuvicha guasu Sedequías jei chupe reta: —Mase, pepo pe ko oï, che mbaetɨ chepuere mbae jae peve.

JEREMÍAS 52:8

Ërei ngatu sundaro reta Caldeaɨgua oaɨkuemoña mburuvicha guasu Sedequías, jare oupitɨ reta ɨvɨpe kavi Jericó pegua pe. Jare opaete isundaro reta oeya.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

NÚMEROS 23:17

Jare Balaam ojo ye Balac kotɨ, jare jae oime oï mɨmba oyeyukagüe opaetei oyeapɨ vae iyɨpɨ pe, opaete Moab pegua mburuvicha reta ndive. Jare Balac oparandu chupe: —¿Mbae pa Tumpa jei?

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.