JEREMÍAS 37:15 - Biblia Guarani Tumpa Iñee

¹⁵ Jare mburuvicha reta iyarasɨ Jeremías kotɨ, oinupauka jare oñonouka tembipɨɨrɨru oï ombaekuatía vae Jonatán jëta pe vae pe, echa jókuae yepe oipoepɨ reta tembipɨɨrɨrurä.

JEREMÍAS 37:15 ပူးပေါင်းရင်းမြစ်များ

GÉNESIS 39:20

Jare oipɨɨ oñono tembipɨɨrɨru pe, mburuvicha guasu jembipɨɨ reta ñogüɨnoia pe; jare jókuae tembipɨɨrɨru pe oiko,

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

2 CRÓNICAS 18:26

Jare pere chupe reta, toñoña tembipɨɨrɨru pe, jare michi tembíu toñemee chupe jare ɨ, ayerova ye regua chepɨakatu reve.

JEREMÍAS 18:23

Ërei nde, cheYa Tumpa, reikuaa katu yemongeta oyapo reta cheyuka reta vaerä vae. ¡Agüɨye neɨ̈ro chupe reta ikavimbae oyapo vae re, iyoa re ave agüɨye neɨ̈ro! ¡Tomano reta nderóvai, eiporarauka chupe reta ndearasɨ yae reve!

JEREMÍAS 26:16

Jayave mburuvicha reta jare opaete vae reta jei sacerdote reta pe jare ñeemombeúa reta pe: “Mbaetɨ teko güɨnoi kuae kuimbae omano vaerä, echa yandeYa Tumpa jee re imiari yandeve.”

JEREMÍAS 32:2

Jókuae ara rupi mburuvicha guasu Babilonia pegua isundaro reta oñova güɨnoi Jerusalén, jare ñeemombeúa Jeremías oï tembipɨɨ tembipɨɨrɨru joka pe, mburuvicha guasu Judá pegua joka pe oï vae pe.

JEREMÍAS 37:20

Mburuvicha guasu, romoñera añave jare eendu cheve. Agüɨye emaeño tachereraja reta ye ombaekuatía vae Jonatán jëta pegua tembipɨɨrɨru pe, agüɨye vaerä amano joko pe.

JEREMÍAS 37:4

Jayave rupi ndeiño oipɨɨ reta Jeremías oñono tembipɨɨrɨru pe, ipuereño oguata pɨagüive tëta rupi.

JEREMÍAS 38:26

Ërei nde ere chupe reta, chemoñera ko agüɨye vaerä che romondo ye tembipɨɨrɨru oï Jonatán jëta pe vae pe, agüɨye vaerä remano joko pe.

JEREMÍAS 38:6

Jayave jae reta oipɨɨ Jeremías jare ombogüeyɨ reta ɨrɨru pe, Malquías, Hamelec taɨ imbae pe, tembipɨɨrɨru joka pe oï vae pe; ombogüeyɨ reta Jeremías tɨmasa pe. Jare jókuae ɨrɨru pe mbaetɨ ɨ, jaeño tuyuapo, jare Jeremías oike jókuae tuyuapo yasuru vae pe.

JEREMÍAS 39:15

Jeremías oimeño vɨteri tembipɨɨ oiko tembipɨɨrɨru joka pe yave, yandeYa jei chupe körai:

San Mateo 21:35

Ërei ko iporúa reta oë ko iya jembiokuai reta pe, jare amogüe oinupa, ïru vae oyuka, jare ïru oyuka ita pe.

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

San Lucas 22:64

Jayave jae reta oesa yokua Jesús jare okua jova re. Jayave jei reta chupe: —Emombeu oreve kia ra okua oï nderé vae.

San Juan 18:22

Kuae jei yave Jesús, metei judío reta itenondegua reta jembiokuai joko pe oï vae oovapete Jesús jei reve: —¿Maera pa jökorai rere sacerdote tenondegua ete pe?

Hechos 5:18

Jare oipɨɨ reta oñoña tembipɨɨrɨru opaete vae pegua pe.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

Hechos 5:40

Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.