JEREMÍAS 37:10 - Biblia Guarani Tumpa Iñee

¹⁰ Echa, yepe mona opa pemoamɨri Caldeaɨgua sundaro reta ñeraro pe, mbovɨ iperegüe reta opɨta teyupa rupi vae, opüata ko oapɨ tëta guasu.”

JEREMÍAS 37:10 ပူးပေါင်းရင်းမြစ်များ

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 13:15

Oipotagüe oñeväeka vae omanota kɨse pe, oipotagüe oyepɨɨuka vae oyeyukaukata.

ISAÍAS 14:19

ërei nde, ndemombo reta ikatu pe tɨvɨa güi, mbae yavaete yae vae rami, kɨse pe omano vae jemimondegüe rami, tëogüe ɨvɨkua pe oyemombogüe rami, tëogüe re oñepɨ̈rogüe rami.

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

JEREMÍAS 21:10

Echa che jae ambou vaerä kuae tëta guasu re ikavimbae, ambou vaerägüe ikavi vae. Ameeta mburuvicha guasu Babilonia pegua ipo pe, jare jae opata oapɨ. Che ndeYa ko jae kuaekuae.’

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 37:11

Sundaro Caldeaɨgua reta opa oñemoata Jerusalén güi, echa oikuaa reta oime yogüeru Faraón isundaro reta vae.

JEREMÍAS 37:8

Añave, Caldeaɨgua reta oyerova yeta oporepeña vaerä tëta guasu Jerusalén re, opɨ̈ro retata jare oapɨ retata.

JEREMÍAS 49:20

Peyeapɨsaka kërai che peYa ayemongeta Edom kotɨ vae re, jare kërai ko cheyemongeta Temán pegua reta kotɨ vae re: Vecha raɨ ave güɨraja retata jare kapiirupa opata oyemboai.

JEREMÍAS 50:45

Peyeapɨsaka kërai che peYa ayemongeta Babilonia kotɨ vae re; Caldeaɨgua reta iɨvɨ regua yemongeta ayapo vae: Vecha raɨ ave güɨraja retata, jare kapiirupa opata oyemboai.

JEREMÍAS 51:4

Opaete Caldeaɨgua reta omanota iɨvɨ pe, oyoata opɨta kaye reta rupi,

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?