JEREMÍAS 36:9 - Biblia Guarani Tumpa Iñee

⁹ Joacim, Josías taɨ, chaúa yasɨ pandepoa año ma oiko mburuvicha guasurä Judá pe yave, oñemoërakua oime vaerä yekuaku tembíu güi yandeYa jóvai, Jerusalén pegua reta peguarä jare opaete ïru tëta guasu reta Judá pegua güi yogüeru Jerusalén pe vae reta peguarä.

JEREMÍAS 36:9 ပူးပေါင်းရင်းမြစ်များ

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

NEHEMÍAS 9:1

Jókuae yasɨ yeño, veinticuatro araa pe, oyemboatɨ Israel iñemuña reta oyekuaku reve tembíu güi jare oyemonde reve temimonde mbɨatɨtɨ pegua pe, oñono reta reve ɨvɨ iñäka re ipɨatɨtɨ güi,

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

JEREMÍAS 36:1

Joacim, Josías taɨ, irundɨa año ma oiko mburuvicha guasurä Judá pe yave, yandeYa jei Jeremías pe körai:

JEREMÍAS 36:22

Mburuvicha guasu oï jo iroɨ pegua pe, jókuae yasɨ chaúa pe, jare güɨnoi iyɨpɨ pe tätapɨi rɨru tata ndive.

JEREMÍAS 36:6

Jáeramo, nde ekua kuri tembíu güi yekuaku iara pe; jare emongeta kuae tembikuatía oyepomombɨ vae, cheñee reta reikuatía pɨpe vae, oendu reta vaerä yandeYa iñee, opaete vae jare opaete tëta guasu reta Judá pegua güi yogüeru kuae kotɨ vae.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:14

Pemoërakua opaete vae pe oyekuaku vaerä tembíu güi, peyapo yemboatɨ; pemboatɨ opaete tenondegua reta jare opaete kuae ɨvɨ pe yogüɨreko vae reta, peyomboatɨ kuae yandeYa Tumpa jo pe jare peyerure chupe.

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

JONÁS 3:5

Jare kuimbae reta Nínive pegua güɨrovia Tumpa re, jare omoërakua reta opaete vae oyekuaku vaerä tembíu güi jare oyemonde reta vaerä temimonde mbɨatɨtɨ pegua pe, oikokatu vae reta güive jare paravete vae reta.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

JUECES 20:26

Jayave yogüɨraja ye opaete Israel iñemuña reta jare opaete tëta, jare oguapɨ oyaeo reta Bet-el pe, jare oyekuaku reta tembíu güi jókuae ara pɨ̈tu regua, jare omee reta mɨmba oyeyukagüe opaetei oyeapɨ vae, jare mbota yembopɨakatu pegua yandeYa jóvai.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.