JEREMÍAS 36:7 - Biblia Guarani Tumpa Iñee

⁷ Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 36:7 ပူးပေါင်းရင်းမြစ်များ

2 REYES 22:13

“Pekua peparandu yandeYa pe cheré, jare opaete vae re, jare opaete Judá pegua reta re, kuae tembikuatía pe ñee reta oñeväe vae regua; echa yandeYa iyarasɨ yae ko yandekotɨ, ñaneñemuñagüe reta mbaetɨ kuae tembikuatía pegua ñee reta jei vae oendu jeko pegua, mbaetɨ vi oyapo reta opaete oyekuatía oï pɨpe vae.”

2 REYES 22:17

echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta kotɨ, jare mbaetɨta chearasɨ poi.’

2 CRÓNICAS 34:21

—Pekua peparandu yandeYa pe cheré, jare Israel pe jare Judá pe jembɨregüe reta re, kuae tembikuatía pe ñee reta oñeväe vae regua; echa yandeYa iyarasɨ yae ko aipo yandekotɨ, echa ñaneñemuñagüe reta mbaetɨ oipota oendu kuae yandeYa iñee reta, mbaetɨ vi oyapo reta opaete kuae tembikuatía pe oyekuatía oï vae.

JEREMÍAS 1:3

Jei vi chupe Joacim, Josías taɨ oiko mburuvicha guasurä Judá pe yave, jare once año Sedequías oiko mburuvicha guasurä Judá pe vae iyapɨ regua. Sedequías jae vi ko Josías taɨ; Jerusalén pegua reta oyereraja regua tembipɨɨrä pandepoa yasɨ pe jókuae año.

JEREMÍAS 16:10

Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 36:3

Güɨramoi Judá pegua reta oendu opaete susere reta ayemongeta ambou vaerä chupe reta vae yave, oeya reta jeko kavimbae, javoi che cheɨ̈rota jeko kavimbae jare iyoa reta re chupe reta.”

JEREMÍAS 37:20

Mburuvicha guasu, romoñera añave jare eendu cheve. Agüɨye emaeño tachereraja reta ye ombaekuatía vae Jonatán jëta pegua tembipɨɨrɨru pe, agüɨye vaerä amano joko pe.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 12:3

Jáeramo nde kuimbae, eyupavo reo vaerä ïru ɨvɨ kotɨ vae rami, ara pe etei eë ndero güi jae reta jovakei, ekua reïa güi ïkotɨa; güɨramoi jayave oikuaa reta, jae reta yepe metei tëta ipɨapochɨ vae.

EZEQUIEL 13:13

Jáeramo che peYa jae: Chearasɨ rupi ambouta ɨvɨtuai omboai vaerä jókuae oguambɨ; chearasɨ rupi ambouta ama guasu jare amandau ita rami vae omboai vaerä.

EZEQUIEL 20:33

Che peYa jae cheyé aeño, chembaepuere yae reve jare chearasɨ aitɨ peré reve, aporookuaita peré.

EZEQUIEL 22:20

Kia omboatɨ korepoti, jiero iyu vae, jiero, plomo jare estaño horno pe, omondɨkui vaerä rami, jökorai pomboatɨta chearasɨ yae reve pomondɨkui vaerä.

EZEQUIEL 5:13

Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’