JEREMÍAS 36:2 - Biblia Guarani Tumpa Iñee

² “Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 36:2 ပူးပေါင်းရင်းမြစ်များ

ESDRAS 6:2

jare oñeväe chupe tëta guasu Acmeta pe mburuvicha guasu jo ɨvɨ Media pe oï vae pe, metei tembikuatía pe oyekuatía oï pɨpe körai yemomaendúa:

JOB 31:35

¡Oime mona kia oyeapɨsaka cheré! Aikuatiata opaete jaegüe: Añave Imbaepuere yae ete vae timiari cheré, jare cherovaicho reta toikuatía tupapire cheregua.

SALMOS 40:7

Jáeramo jae: “Mase, ko ayu; tembikuatía oyepomombɨ vae pe, oyekuatía oï cheregua.

ÉXODO 17:14

Jayave yandeYa jei Moisés pe: —Kuae eikuatía metei tembikuatía pe yemomaenduarä; jare ere Josué pe, che amboaita opaetei Amalec iñemuña reta ara igüɨ güi vae.

ISAÍAS 8:1

YandeYa jei cheve: “Eipɨɨ metei ɨvɨra oñeopagüe, tuicha vae jare emboyekuaa kavi eikuatía eñono jese Maher-salal-hasbaz.

JEREMÍAS 1:10

Kuae ara roñono tëtaguasu reta re jare mburuvicha guasu reta iporookuaía re, reapomondoro vaerä jare remboai vaerä, rerokomegua vaerä jare reitɨ vaerä, jare vi remopüa ye vaerä jare rembopɨau ye vaerä.”

JEREMÍAS 1:5

“Ndei ndesɨ jɨe pe roapo mbove che rokuaa, jare ndei rea mbove che roñono tee; roñono ñeemombeuarä tëtaguasu reta peguarä.”

JEREMÍAS 1:9

Jayave yandeYa ombou ipo jare opoko cheyuru re, jei cheve: “Mase, ko añono cheñee reta ndeyuru pe.

JEREMÍAS 2:4

Jacob iñemuña reta, opaete tëtara Israel iñemuña vae, peyeapɨsaka yandeYa iñee re.

JEREMÍAS 25:3

“Josías, Amón taɨ trece año ma oiko mburuvicha guasurä Judá pe yave güive añave regua, yandeYa imiari cheve, jae ko veintitré año ma, jare che chemiari voi peve cheapɨmbae reve, ërei mbaetɨ peendu cheve.

JEREMÍAS 30:2

“Che, Israel iTumpa jae: Eikuatía metei tembikuatía pe opaete jae ndeve vae,

JEREMÍAS 36:14

Jayave mburuvicha reta omondo Jehudí, Netanías taɨ, Selemías jɨmɨmino, Cusi jɨmɨmino yoapɨ ye jei vaerä Baruc pe, güeru vaerä jókuae tembikuatía omongeta opaete vae pe vae. Baruc, Nerías taɨ güɨraja jókuae tembikuatía jare ojo jae reta ñogüɨnoia pe,

JEREMÍAS 36:18

Baruc jei: —Jeremías jei oï cheve ramboeve, che aikuatía tinta pe kuae tembikuatía.

JEREMÍAS 36:23

Jare Jehudí omongeta yave mboapɨ ani irundɨa jɨsɨ jókuae tembikuatía güi, mburuvicha guasu oyasɨa kɨseraɨ pe jare oitɨ jókuae tata jendɨ oï iyɨpɨ pe vae pe. Jökorai opa oapɨ jókuae tembikuatía oyepomombɨ vae.

JEREMÍAS 36:29

Jare körai ere mburuvicha guasu pe: ‘Körai jei yandeYa: Nde reapɨ tembikuatía, jare reñeengata vi Jeremías pe, echa oikuatía jese mburuvicha guasu Babilonia pegua outa opa omboai kuae tëtaguasu, mbaetɨta pɨpe kuimbae ani mɨmba yepe.

JEREMÍAS 36:6

Jáeramo, nde ekua kuri tembíu güi yekuaku iara pe; jare emongeta kuae tembikuatía oyepomombɨ vae, cheñee reta reikuatía pɨpe vae, oendu reta vaerä yandeYa iñee, opaete vae jare opaete tëta guasu reta Judá pegua güi yogüeru kuae kotɨ vae.

JEREMÍAS 45:1

Joacim, Josías taɨ irundɨa año ma oiko mburuvicha guasurä Judá pe yave, Baruc, Nerías taɨ ombaekuatía vae oikuatía ñeemombeúa Jeremías jei oï chupe vae. Jeremías jei Baruc pe:

JEREMÍAS 51:60

Jeremías yepe oikuatía metei tembikuatía pe opaete susere reta outa Babilonia re vae, jae ko opaete ñee reta oyekuatía oï Babilonia kotɨ vae,

EZEQUIEL 2:9

Jare aecha ombou chekotɨ metei tembikuatía oyepomombɨ vae.

OSEAS 8:12

Yepe tëi aikuatía chupe jeta yemboe cheporookuai reta re, ërei jae mbaeä etei omae jese.

DEUTERONOMIO 31:24

Moisés opa oikuatía kuae mborookuai reta metei tupapire pe yave,

Hebreos 10:7

Jáeramo jae: Mase, ko ayu cheRu Tumpa, ayapo vaerä nderemimbota, tembikuatía pe, oyekuatía oï cheregua rami.”