JEREMÍAS 36:14 - Biblia Guarani Tumpa Iñee

¹⁴ Jayave mburuvicha reta omondo Jehudí, Netanías taɨ, Selemías jɨmɨmino, Cusi jɨmɨmino yoapɨ ye jei vaerä Baruc pe, güeru vaerä jókuae tembikuatía omongeta opaete vae pe vae. Baruc, Nerías taɨ güɨraja jókuae tembikuatía jare ojo jae reta ñogüɨnoia pe,

JEREMÍAS 36:14 ပူးပေါင်းရင်းမြစ်များ

2 REYES 25:23

Judá pegua sundaro ruvicha reta, jare opaete isundaro reta oikuaa yave kuae regua, yogüeru Mizpa pe imiari vaerä Gedalías ndive. Jae ko Ismael, Netanías taɨ; Johanán, Carea taɨ; Seraías, Netofaɨgua Tanhumet taɨ; jare Jaazanías, metei kuimbae Maaca pegua taɨ. Yogüeru jupiegua ndive ndive.

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 36:21

Jayave mburuvicha guasu omondo Jehudí güeru vaerä jókuae tembikuatía Elisama icuarto güi, jae ko ombaekuatía vae; Jehudí güeru yave, omongeta mburuvicha guasu jóvai jare opaete iyɨvɨrigua mburuvicha reta jóvai.

JEREMÍAS 36:4

Jare Jeremías oenɨi Baruc, Nerías taɨ, jare jae oikuatía Jeremías jei oï chupe vae, metei tupapire oyepomombɨ vae pe opaete yandeYa jei vae.

JEREMÍAS 40:8

Yogüeru isundaro reta ndive Mizpa pe Gedalías pɨri. Jae ko: Ismael, Netanías taɨ; Johanán jare Jonatán, Carea taɨ reta; Seraías, Tanhumet taɨ; Efai Netofaɨgua taɨ reta; jare Jezanías, metei kuimbae Maaca pegua taɨ. Opaete kuae reta yogüeru isundaro reta ndive.

JEREMÍAS 41:16

Javoi Johanán, Carea taɨ jare sundaro reta juvicha reta jae ndive ñogüɨnoi vae ipo pe opɨta opaete Ismael, Netanías taɨ güɨraja tëi Mizpa güi Gedalías oyuka güire vae reta; jae ko: Sundaro reta, kuña reta, michia reta jare oyeapiaogüe reta. Johanán opa ye güeru Gabaón güi.

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

SOFONÍAS 1:1

YandeYa jei Sofonías pe, Josías Amón taɨ oiko Judá pe mburuvicha guasurä yave. Sofonías tu jae Cusi, Cusi tu jae Gedalías, Gedalías tu jae Amarías, Amarías tu jae Ezequías.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.