JEREMÍAS 35:4 - Biblia Guarani Tumpa Iñee

⁴ jare araja reta tupao pe, Hanán jemimboe reta icuarto pe, jae ko Igdalías taɨ, jae ko metei Tumpa jembiokuai. Jae ko mburuvicha reta icuarto iyɨpɨ pe; Maasías, Salum taɨ tupao jöke iyangarekoa icuarto iárambo.

JEREMÍAS 35:4 ပူးပေါင်းရင်းမြစ်များ

1 REYES 12:22

Ërei yandeYa imiari iñeemombeúa Semaías pe, jei reve:

1 REYES 13:1

Jeroboam, oapɨta oï ikäti kavi vae incienso, ikäti kavi vae incienso oyeapɨ jese vae re yave, ou oväe Judá güi Bet-el pe metei Tumpa iñeemombeúa.

1 REYES 13:26

Jare ñeemombeúa indechi vae oendu yave, oikuaa jae ko jókuae omboyerovauka ye vae, jei: “Jae ko jókuae Tumpa iñeemombeúa oyapombae yandeYa iporookuai vae. Jáeramo jae omee yaguapope pe opa omopächa oyuka vaerä. YandeYa jei chupe rami.”

1 REYES 17:18

Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

1 REYES 17:24

Jare kuña imemano vae jei: —Añave aikuaa nde añetete jae Tumpa iñeemombeúa jare Tumpa iñee remombeu vae añete vae ko.

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

2 REYES 1:9

Jupivei omondo metei sundaro ruvicha, cincuenta sundaro ndive Elías kotɨ. Yogüɨraja oväe yave, Elías oguapɨ oï ɨvɨtɨ iyapɨte re. Jayave jókuae sundaro ruvicha jei chupe: —¡Tumpa iñeemombeúa, mburuvicha guasu jei regüeyɨ vaerä joko güi!

2 REYES 12:9

Jayave sacerdote tenondegua Joiada oipɨɨ metei käjou jare itapa omombu, jare oñono mɨmba oyeyuka oyeapɨ jese vae iyɨke pe, iyakatu kotɨ, jökorai yandeYa itupao pe oike vae, jare sacerdote reta öke järoa oñono joko pe opaete korepoti oñemee yandeYa jo pe vae.

2 REYES 25:18

Sundaro oporoäro vae reta juvicha oipɨɨ vi sacerdote tenondegua Seraías, jare taɨkuegua sacerdote Sofonías, jare tupao jöke järoa mboapɨ reve.

2 REYES 5:14

Jayave jae ogüeyɨ ɨ̈aka Jordán kotɨ, jare osakambɨ chiu ye ɨ̈aka Jordán pe, Tumpa iñeemombeúa jei chupe rami etei; jare isoo opɨta michia raɨ isoo rami, okuera opɨta.

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

2 REYES 6:10

Jayave mburuvicha guasu Israel pegua omondo isundaro reta Tumpa iñeemombeúa jei chupea kotɨ. Jökorai oasayepe reta yogüɨreko mbovɨ ye.

2 REYES 7:17

Jare mburuvicha guasu oñono jókuae imborɨa öke iyangarekoarä, ërei opaete vae reta opɨ̈ro jese öke pe jare omano, mburuvicha guasu ojo omae jese yave, oecha Tumpa iñeemombeúa jei chupe rami etei.

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

1 CRÓNICAS 9:27

Kuae reta yogüɨreko Tumpa jo iyɨpɨ peño, echa ipo pe oï oyangareko jese vaerä jare ndeimbove ñavo oipea vaerä öke.

2 CRÓNICAS 8:14

Jare oñono kavi sacerdote reta iparavɨkɨ pe oyopoepɨ reta vaerä, tu David oñono kavi rami; jare levita reta iparavɨkɨ pe kavi omee reta vaerä mbaemboete jare omborɨ reta vaerä sacerdote reta, opaete kuaekuae reta iara pe kavi; jökoraiño vi öke iyangarekoa reta öke ñavo, echa jökorai David Tumpa jembiokuai omee mborookuai.

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

JEREMÍAS 21:1

Mburuvicha guasu Sedequías omondo Pasur, Malquías taɨ, jare sacerdote Sofonías, Maasías taɨ, Jeremías pɨri jei vaerä chupe: “Eparandu yandeYa pe oreve, echa mburuvicha guasu Babilonia pegua oporepeña oreré. Güɨramoi yandeYa oyapo mbae nunga mɨakañɨ jare Nabucodonosor ojo ye.” Jayave yandeYa omomiari Jeremías.

JEREMÍAS 26:10

Judá pegua mburuvicha reta oendu kuae mbaembae re yave, yogüɨraja mburuvicha guasu jo güi yandeYa itupao pe, jare oguapɨ reta Öke Pɨau jöke pe, yandeYa itupao pe.

JEREMÍAS 35:3

Che, Jeremías, aja aeka Jaazanías (jae ko ïru Jeremías taɨ, Habasinías jɨmɨmino) tɨkeɨ reta jare taɨ reta, jare opaete jëtara Recab iñemuña reta,

JEREMÍAS 52:24

Sundaro omaeäro vae reta juvicha oipɨɨ vi Seraías, sacerdote tenondegua, jare Sofonías, sacerdote jaɨkuegua jare mboapɨ tupao joka järoa reta.

EZEQUIEL 40:38

Joko pe oï metei cuarto, korero re oya oï vae; joko pe oyoe retata mɨmba oyeyukagüe opaetei oyeapɨ vaerä vae.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

DEUTERONOMIO 33:1

Moisés, kuimbae Tumpa jembiokuai ndei omano mbove, jei kuae ñee kavi Israel iñemuña reta kotɨ

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

JOSUÉ 14:6

Judá iñemuña reta yogüeru Gilgal pe imiari vaerä Josué ndive; jare Caleb, cenezeo Jefone taɨ, jei Josué pe: “Nde reikuaa yandeYa Tumpa jei jembiokuai Moisés pe vae, cheregua jare nderegua Cades-barnea pe.

1 SAMUEL 2:27

Jare ou metei kuimbae Tumpa iñeemombeúa Elí pɨri jare jei chupe: “Körai jei yandeYa: ‘Peñemuñagüe reta oyeokuai yogüɨreko Faraón jo pe Egipto pe yave, che ayekuaauka kavi chupe reta.