JEREMÍAS 34:8 - Biblia Guarani Tumpa Iñee

⁸ YandeYa imiari Jeremías pe, mburuvicha guasu Sedequías opa güire oyapo yemongeta opaete Jerusalén pegua reta ndive oyeyora vaerä opaete tembiokuai reta.

JEREMÍAS 34:8 ပူးပေါင်းရင်းမြစ်များ

2 REYES 11:17

Jaɨkue rupi Joiada oyapo morogüɨrökuavee päve yandeYa ndive, mburuvicha guasu ndive jare opaete vae ndive, jae reta yogüɨreko vaerä yandeYa imbaerä; jökoraiño vi mburuvicha guasu opaete vae ndive.

2 CRÓNICAS 23:16

Jayave Joiada oyapo morogüɨrökuavee päve opaete vae reta ndive jare mburuvicha guasu ndive, jae reta yogüɨreko vaerä yandeYa imbaeräño.

2 CRÓNICAS 29:10

Añave, che añeñono ayapo vaerä morogüɨrökuavee päve yandeYa ndive, Israel iTumpa ndive, agüɨye vaerä mo iyarasɨ yandekotɨ.

NEHEMÍAS 9:38

Añave, ore roñererökuavee jare roikuatía, jare jókuae oyekuatiagüe re oreruvicha reta, oresacerdote reta jare levita reta omboguapɨ vi jee.

ISAÍAS 58:6

Ambuae ko. Yekuaku tembíu güi chembopɨakatu vae ko jae: Yeyora jupimbae güi vae, yeyora tembiporara güi vae, ipɨatɨtɨ vae re pemaeño ojo vae jare peporoyora oipotagüe mbae güi vae;

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

LEVÍTICO 25:10

Jare año cincuenta peñono tee Tumpa peguarä, año yeyora pegua ko jare pemoërakua yeyora opaete jókuae ɨvɨ pe yogüɨreko vae reta pe. Toyogüɨraja ye metei ñavo iɨvɨ ae pe, jare metei ñavo tojo jëtara pɨri.

DEUTERONOMIO 15:12

Perëtara hebreo oñemee yave peve, kuimbae ani kuña, jaeño toyeokuai peve ova año, chiúa pe peyora.