JEREMÍAS 34:7 - Biblia Guarani Tumpa Iñee

⁷ Jökorai ramboeve, mburuvicha guasu Babilonia pegua isundaro reta opüa ñogüɨnoi Jerusalén re, jare tëta guasu reta Laquis jare Azeca re, echa jaeño ete tëta guasu reta oñekëse kavi vae, Judá pegua opɨta vɨteri vae.

JEREMÍAS 34:7 ပူးပေါင်းရင်းမြစ်များ

2 REYES 14:19

Jerusalén pegua reta oñemopüa Amasías kotɨ, jare jae otekuarai Laquis kotɨ; ërei oaɨkuemoña reta jókuae tëta guasu kotɨ, joko pe oyuka reta.

2 REYES 19:8

Jare Rabsaces oyerova ye ma ou yave oväe mburuvicha guasu Asiria pegua oñeraro oï tëta Libna pegua reta ndive; echa oendu ojo ye ma Laquis güi vae.

2 CRÓNICAS 27:4

Oyapo vi tëta guasu reta Judá pe ɨvɨtɨ reta re, jare tëta reta ñepɨ̈rokarä jare sundaro reta imaekarä ɨvate vae reta kaa reta rupi.

ISAÍAS 36:2

Jare tëta Laquis güi mburuvicha guasu Asiria pegua ombou isundaro ruvicha Rabsaces jetagüe sundaro reta ndive, oporepeña vaerä Ezequías re, Jerusalén pe; oyembojeyupa reta ɨrɨru ɨvate kotɨgua kotɨ ɨ ou vae jape iyɨ́vɨri, Mbaeputuka renda kotɨ tape ojo vae rupi.

JEREMÍAS 11:12

Jayave Judá pegua jare Jerusalén pe yogüɨreko vae yogüɨrajata oiporu yemborɨ tumpa-raanga reta pe, jókuae oapɨ ikäti kavi vae incienso chupe reta vae pe. Ërei jae reta ngaraa ipuere oepɨ reta susere iara pe.

JEREMÍAS 34:1

Nabucodonosor, mburuvicha guasu Babilonia pegua, opaete isundaro reta jare ïru tëtaguasu pegua reta jae ipo pe ñogüɨnoi vae ndive, oyomboatɨ opüa Jerusalén re jare iyɨvɨrigua tëta guasu reta re yave, yandeYa jei Jeremías pe:

JEREMÍAS 4:5

Emoërakua kuae Jerusalén pe jare Judá pe ere: Pemoñee mimbɨguasu opaete kuae ɨvɨ rupi, pesapúkai täta, jare pere: ‘¡Peyemboatɨ! ¡Yaike vaerä tëta guasu oñekëse kavi yae vae pe!’

JEREMÍAS 8:14

Opaete vae reta jeita: “¿Maera pa yaguapɨño ñaï kuae pe? ¡Yaja opaete vae tëta guasu oñekëse kavía pe, joko pe opa ñamano! Echa yandeYa Tumpa yandeyukata; omee yau ɨ oyemombayachigüe. Echa yandeyoa ikotɨ.

MIQUEAS 1:13

Peyokua pekäretou reta pekavayu reta re, tëta Laquis pegua reta, pe reta pemboɨpɨ peyoa Sión pe, echa Israel iñemuña reta rami pepɨarai.

DEUTERONOMIO 28:52

Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.

JOSUÉ 10:3

Kuae jeko pegua Adonisedec, mburuvicha guasu Jerusalén pegua omondo ñee Hoham mburuvicha guasu Hebrón pegua pe, Piream mburuvicha guasu Jarmut pegua pe, Jafía mburuvicha guasu Laquis pegua pe jare Debir mburuvicha guasu Eglón pegua pe, jei:

JOSUÉ 10:5

Jayave jókuae pandepo mburuvicha guasu, amorreo reta juvicha guasu reta: Jerusalén pegua, Hebrón pegua, Jarmut pegua, Laquis pegua jare Eglón pegua oyomboatɨ, jare yogüɨraja opaete isundaro reta ndive jare oyembojeyupa köiño Gabaón güi oñeraro reta vaerä joko pegua reta ndive.

JOSUÉ 12:11

Jarmut pegua, Laquis pegua,

JOSUÉ 15:35

Jarmut, Adulam, Soco, Azeca,

JOSUÉ 15:39

Laquis, Boscat, Eglón,