JEREMÍAS 34:22 - Biblia Guarani Tumpa Iñee

²² Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 34:22 ပူးပေါင်းရင်းမြစ်များ

2 SAMUEL 16:11

Jayave David jei Abisai jare opaete isundaro ruvicha reta pe: —Mase, cheraɨ chegüi oë vae viña pa chemomburu oiko, ¡vɨtei pa kuae Benjamín iñemuña pegua! ¡Pemaeño tei cheve ñee jasɨ katu vae, güɨramoi yandeYa ko oyókuai!

2 REYES 25:6

Sundaro Caldeaɨgua reta oipɨɨ mburuvicha guasu Sedequías jare güɨraja reta mburuvicha guasu Babilonia pegua pe, tëta Ribla pe, joko pe jei reta chupe kërai oiporara vaerä.

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

ISAÍAS 13:3

Tumpa jei: Aenɨi ma chesundaro reta, jëia vae reta, oyeparavogüe reta, cheporomoamɨri re oyerovia vae reta, amondo oyapo reta vaerä cheporonupa.”

ISAÍAS 24:12

Opa oyemboai opɨta kuae tëta guasu, opa oñemopë öke reta.

ISAÍAS 37:26

¿Mbaetɨ pa reikuaa, che Tumpa ko ayapo opaete kuae mbaembae reta vae? Arakae güive voi ma ko opa amboyupavo añono kuaekuae, jae ko aru ma oyeapo añave; jáeramo ko nde remoamɨri tëta guasu reta ikësea kavi vae, jare opaetei remboaiasɨ reeya.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

ISAÍAS 64:10

Tëta ndembae oñeñono tee vae ipombae oï, Sión ipoä oï, Jerusalén kïrii ngatu opɨta.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 33:10

YandeYa jei: “Pe reta pere, kuae ɨvɨ ipombae ko oï vae jare mbaetɨ pɨpe kuimbae ani mɨmba yepe; Jerusalén ikaye ipombae jare tëta guasu reta Judá pegua; mbaetɨ kuimbae ani mɨmba yepe pɨpe pere chupe vae pe,

JEREMÍAS 34:2

“Che, ndeYa Israel iTumpa, royókuai reo vaerä nemiari Sedequías mburuvicha guasu Judá pegua pe, ere: ‘YandeYa jei: Kuae tëta guasu ameeta mburuvicha guasu Babilonia pegua ipo pe jare jae oapɨta.

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 50:13

Echa chearasɨta jare aeyata ipombae, opaeteita oyemboai opɨta. Opaete oasa jokoropi vae ipɨakañɨta jare oyóyai yoyaita oecha yave kuae susere reta.

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

JEREMÍAS 52:7

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta ndive otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi, jare mburuvicha guasu ojo tape Arabá kotɨ ojo vae rupi.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.