JEREMÍAS 34:20 - Biblia Guarani Tumpa Iñee

²⁰ Jáeramo, ameeta jae reta opa vaerä oa tovaicho reta, oeka oyuka vaerä vae reta ipo pe, jare jëogüegüe reta chucha reta jembiurä jare mbaeporou reta jembiurä.

JEREMÍAS 34:20 ပူးပေါင်းရင်းမြစ်များ

1 REYES 14:11

Tëta guasu pe omano yave Jeroboam iñemuña, yaɨmba reta jouta, jare kaa pe omano yave, uruapúa reta jouta; echa che ndeYa ko jae jökorai.’

1 REYES 16:4

Oipotagüe neñemuña omano tëta guasu pe vae yaɨmba reta jouta, jare kaa pe omano vae uruapúa reta jouta.”

SALMOS 79:2

¡Nderembiokuai reta jetegüe opa omee chucha reta jembiurä, oñeñono tee ndeve vae reta jetegüe omee reta mɨmba reta ñana rupigua jembiurä!

JEREMÍAS 11:21

Jare Anatot pegua kuimbae reta oeka kërai cheyuka vaerä, cheokuai reta agüɨye mo vaerä chemiari Tumpa jee re, echa mbaetɨ yave cheyuka retata,

JEREMÍAS 12:9

Chembae vae reta ko güɨraképara rami. Japicha reta oporepeña jese oipota rupi güi. ¡Peyu, opaete mbaeporou kaa rupigua reta; peyemboatɨ pekaru!

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 22:25

romeeta nderovaicho reta ndereeka ndeyuka vaerä vae ipo pe, rekɨɨye chugüi vae reta pe. Romeeta Nabucodonosor mburuvicha guasu Babilonia pegua ipo pe, jare Caldeaɨgua reta ipo pe.

JEREMÍAS 38:16

Jare mburuvicha guasu Sedequías jei vɨari Tumpa jee re Jeremías pe, körai: —YandeYa kuae tekove omee yandeve vae jee re, ngaraa royuka, ngaraa vi romee kuimbae reta oipota ndeyuka vae ipo pe.

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

JEREMÍAS 44:30

Che ameeta Faraón Hofra mburuvicha guasu Egipto pegua jovaicho reta oeka oyuka vaerä vae ipo pe, Sedequías mburuvicha guasu Judá pegua amee Nabucodonosor, mburuvicha guasu Babilonia pegua oeka oyuka vaerä vae ipo pe rami.”

JEREMÍAS 49:37

Elam amborɨrɨiukata okɨɨye güi jovaicho reta jóvai, aruta chupe susere reta, aitɨta chearasɨ jese reta, jare ambouta chupe ñeraro opaetei omokañɨtei regua. Che ndeYa ko jae kuae.

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

EZEQUIEL 23:28

Echa, che ndeYa Tumpa jae körai: Amaeñota rea tëtaguasu remotareɨ vae reta ipo pe, jókuae reyuguaru chugüi vae reta ipo pe.

EZEQUIEL 29:5

Jare romombota ñuu pe, opaete jókuae ɨ pegua pira reta ndive, ɨvɨ ipombae pe reata reo, ngaraa kia ndereupi neotɨ vaerä. Mbaeporou reta jare uruapúa reta opata ndereu.

EZEQUIEL 32:4

Rogüɨnoeta ɨ güi, ropɨsota roeya ɨvɨ re. Ambouta güɨra reta ogüeyɨ nderé, jare mbaeporou reta jɨ̈vɨatata nderé.

DEUTERONOMIO 28:26

Perëogüegüe oikota chucha reta jare mbaeporou reta jembiurä, jare mbaetɨta kia omondo chugüi vae.

1 SAMUEL 17:44

Javoi jei ye David pe: —¡Eyu chekotɨ! ¡Tamee ndesoo chucha reta pe jare mbaeporou reta ñana rupigua pe!

1 SAMUEL 17:46

Jae nemeeta añave chepo pe, che romoamɨrita jare neäka ayasɨata, jare ameeta añave nderete jare filisteo reta jetegüe chucha reta pe jare mbaeporou reta ñana rupigua pe; jökorai opaete ɨvɨ ipo reta oikuaata Tumpa oime ko Israel iñemuña reta ndive vae.