JEREMÍAS 34:2 - Biblia Guarani Tumpa Iñee

² “Che, ndeYa Israel iTumpa, royókuai reo vaerä nemiari Sedequías mburuvicha guasu Judá pegua pe, ere: ‘YandeYa jei: Kuae tëta guasu ameeta mburuvicha guasu Babilonia pegua ipo pe jare jae oapɨta.

JEREMÍAS 34:2 ပူးပေါင်းရင်းမြစ်များ

2 REYES 25:1

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta yeupika jókuae tëta guasu iyɨ́vɨri rupi.

2 REYES 25:9

jare oapɨ yandeYa jo, mburuvicha guasu jo, jare opaete o reta Jerusalén pegua; oapɨ opaete mburuvicha reta jo.

JEREMÍAS 21:10

Echa che jae ambou vaerä kuae tëta guasu re ikavimbae, ambou vaerägüe ikavi vae. Ameeta mburuvicha guasu Babilonia pegua ipo pe, jare jae opata oapɨ. Che ndeYa ko jae kuaekuae.’

JEREMÍAS 21:4

‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.

JEREMÍAS 27:22

‘Güɨraja retata Babilonia pe, jare joko pe opɨtata che aru ye regua kuae ɨvɨ pe. Che ndeYa ko jae kuae.’ ”

JEREMÍAS 32:3

Echa Sedequías mburuvicha guasu Judá pegua oipɨɨ yepe oñono tembipɨɨrɨru pe, jei reve: “¿Maera pa rere Tumpa jee re? ‘YandeYa jei körai: Mase, che amee kuae tëta guasu mburuvicha guasu Babilonia pegua ipo pe, jare jae opɨ̈rota,

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.