JEREMÍAS 34:10 - Biblia Guarani Tumpa Iñee

¹⁰ Opaete mburuvicha reta jare tëta ipo reta oendu kuae yemongeta oyeapogüe yave ikɨ̈reɨ, jare oyora jembiokuai reta, mbaetɨ ma oyókuai ye.

JEREMÍAS 34:10 ပူးပေါင်းရင်းမြစ်များ

ÉXODO 21:2

Pegua yave tembiokuai perëtara hebreo, ova año toyeokuai, ërei chiúa año pe toyeyora iya güi oyemboepɨmbae reve,

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

JEREMÍAS 26:10

Judá pegua mburuvicha reta oendu kuae mbaembae re yave, yogüɨraja mburuvicha guasu jo güi yandeYa itupao pe, jare oguapɨ reta Öke Pɨau jöke pe, yandeYa itupao pe.

JEREMÍAS 26:16

Jayave mburuvicha reta jare opaete vae reta jei sacerdote reta pe jare ñeemombeúa reta pe: “Mbaetɨ teko güɨnoi kuae kuimbae omano vaerä, echa yandeYa Tumpa jee re imiari yandeve.”

JEREMÍAS 34:11

Ërei jaɨkue rupi oipoepɨ reta iyemongeta, jókuae jembiokuai reta opa oyora vae re, jare opa ye oipɨɨ jembiokuai reta, oyeokuai pɨau ye vaerä chupe reta.

JEREMÍAS 36:12

ojo mburuvicha guasu jo pe, ombaekuatía vae icuarto pe, mburuvicha reta oyomboatɨ ñogüɨnoia pe, jae ko: Elisama, ombaekuatía vae; Delaía, Semaías taɨ; Elnatán, Acbor taɨ; Gemarías, Safán taɨ; Sedequías, Hananías taɨ, jare ïru mburuvicha reta.

JEREMÍAS 38:4

Jayave mburuvicha reta jei juvicha guasu pe: —Yayuka añave kuae kuimbae; echa kuae iñee rupi omoäteɨ kuimbae ñeraro regua reta, kuae tëta guasu pe opɨtaño vae jare opaete kuae pegua reta, jei ramboeve chupe reta kuae ñee; echa kuae kuimbae mbaetɨ oeka mbɨakatu kuae tëta guasu peguarä, jaeño oeka ikavimbae.

LEVÍTICO 25:10

Jare año cincuenta peñono tee Tumpa peguarä, año yeyora pegua ko jare pemoërakua yeyora opaete jókuae ɨvɨ pe yogüɨreko vae reta pe. Toyogüɨraja ye metei ñavo iɨvɨ ae pe, jare metei ñavo tojo jëtara pɨri.

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.