JEREMÍAS 33:22 - Biblia Guarani Tumpa Iñee

²² Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

JEREMÍAS 33:22 ပူးပေါင်းရင်းမြစ်များ

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 15:5

Güɨraja ikatu pe jare jei chupe: —Añave emae ara re jare eipapa yasɨtata reta ndepuere yave, jökoraita ko neñemuña reta.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

SALMOS 22:30

Taɨkuegua reta oyeokuaita chupe, jae reta imiarita yandeYa re taɨkuegua ñemuña reta pe.

SALMOS 89:29

Añonota iñemuña reta oiko avei vaerä, iporookuaía oikota ara oiko avei vae rami.

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

ISAÍAS 66:21

“Jare chugüi reta aiparavota vi sacerdote retarä jare levita retarä, omborɨ reta vaerä sacerdote reta.”

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

JEREMÍAS 31:37

Metei ara oñejäa yave ara, jare oñemae ɨvɨ iguapɨka re yave, jókuae ara aröɨrota cheyeugüi Israel iñemuña reta opaete oyapogüe re. Che peYa ko jae kuae.”

JEREMÍAS 33:18

Ngaraa vi oata sacerdote jare levita reta iñemuña güi ara ñavo omee vaerä cheve mɨmba oyeyukagüe opaetei oyeapɨ vae, jare oapɨ reta mbota temitɨ jäɨgüe jare ïru mɨmba reta oyeyukagüe vae.”

JEREMÍAS 33:23

YandeYa jei Jeremías pe:

EZEQUIEL 37:10

Jare amoërakua mbae oasata vae jae cheokuai rami, jare tekove oike jese reta iyɨvɨte pe, jare oikove reta, jare opüa oyemboɨ reta. Jeta yeyé, sundaro reta jeta yae rami.

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

ZACARÍAS 10:8

Chetɨvɨñee pe aenɨita, jare amboatɨ retata, echa che ayora retata. Oñemuña retata jeta tenonde yave rami.

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

Hebreos 11:12

Jáeramo vi Abraham indechi yae ma vae güi jeta iñemuña, yasɨtata ara re ñogüɨnoi vae rami jare jeta yae ɨvɨkuitï ɨguasu jembeɨ rupi rami.