JEREMÍAS 32:39 - Biblia Guarani Tumpa Iñee

³⁹ Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

JEREMÍAS 32:39 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

SALMOS 112:1

Oyerovia ko kuimbae, yandeYa güiño oipoɨu vae, oñono ipɨa yandeYa iporookuai reta reño vae.

SALMOS 128:6

¡Eecha nerɨmɨmino reta! ¡Mbɨakatu toï Israel pe!

SALMOS 86:11

CheYa Tumpa, chemboe aguata vaerä nderemimbota rupi, aiko vaerä jupi rupi nderóvai; eñono kavi chepɨa, amboete vaerä nderee.

PROVERBIOS 23:17

Agüɨye ndepɨa pe emotareɨ iyoa vae reta; eipoɨu avei yandeYa güiño;

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 52:8

¡Jare sundaro ɨvate güi omae vae reta isapúkai oyeenduta! Osapúkai retata, opareve osapúkai retata yerovia katu reve; echa jae reta etei oechata yandeYa oyerova ye ma Sión kotɨ vae.

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

EZEQUIEL 36:26

Ameeta peve pepɨarä ipɨau vae jare peyemongetarä ipɨau vae, aekɨta pegüi pepɨatäta ita rami vae, jare ameeta peve pepɨarä, ikɨ̈reɨ ngatu vae.

EZEQUIEL 37:22

Kuae reta ayapota meteiño tëtaguasu Israel iɨvɨtɨ reta re, jare meteiño güɨnoita juvicha guasurä. Ngaraa ye ma oyemboyao mókoi tëtaguasu pe ani mókoi mborookuaía pe.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

EZEQUIEL 37:25

Yogüɨreko retata jókuae ɨvɨ amee cherembiokuai Jacob pe vae pe, joko pe yogüɨrekose peñemuñagüe reta. Joko pe yogüɨrekota jae reta, taɨ reta jare iñemuña reta jekuae avei pegua; jare cherembiokuai David rami vae oikota juvicharä jekuae avei pegua.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 17:21

Ayerure ndeve opaete jae reta yogüɨreko vaerä metei ramiño. Nde cheRu Tumpa, reiko che ndive meteiño, jare che nde ndive. Jaeramiño vi jae reta toyogüɨreko metei ramiño vi yande ndive, ɨvɨ pegua reta güɨrovia vaerä nde ko chembou vae.

Hechos 13:33

Tumpa etei ombopo ma yandeve. Echa omoingove ye Jesús. Oyekuatía oï Salmo pe körai: ‘Nde ko jae cheRaɨ. Che ko romoñemuña añave.’

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

1 Corintios 7:14

Echa kuimbae oporogüɨroviambae vae oñeñono tee ko imenda rupi jembireko iporogüɨrovia rupi. Jaeramiño vi kuña oporogüɨroviambae vae ime rupi. Jare oyoeya reta yave, imichia reta ikɨa ko Tumpa jóvai. Ërei añave ikɨambae reta ko.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:24

Jare yandeYa oreokuai royapo vaerä opaete kuae mborookuai reta, roipoɨu vaerä yandeYa Tumpa güi, roiko kavi vaerä opaete ara rupi jare oreövatu vaerä añave rami.

Hebreos 10:20

tape ipɨau jare oikove vae jae oipea asoya o imboyaoa vae rupi, kuae ko jae Cristo jete;