JEREMÍAS 32:35 - Biblia Guarani Tumpa Iñee

³⁵ Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

JEREMÍAS 32:35 ပူးပေါင်းရင်းမြစ်များ

1 REYES 11:33

chereeya reta vae jeko pegua, jare omboete reta Astoret, Sidón pegua reta itumpa kuña, jare Quemos Moab pegua reta itumpa, jare Moloc Amón iñemuña reta itumpa; mbaetɨ oguata reta cheremimbota rupi, oyapo reta vaerä sɨmbi vae cheresa róvai, jare cheporookuai reta, tu David oyapo rami.

1 REYES 11:7

Echa jókuae ara rupi Salomón omopüa Jerusalén güi kuaraɨ oëa kotɨgua ɨvɨtɨ re metei tupao Quemos peguarä, tumpa-raanga ikavimbae yae vae Moab pegua, jare Moloc peguarä, Amón-ɨgua reta itumpa-raanga ikavimbae yae vae.

1 REYES 14:16

YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 15:26

Jare oyapo ikavimbae yandeYa jesa róvai, echa omomoe tu jeko, jókuae Israel iñemuña reta pe oyapouka mbaeyoa reta vae rupi.

1 REYES 15:30

Kuae ko Jeroboam iyoa jeko pegua, jare Israel iñemuña reta pe oyapouka mbaeyoa vae re. Jókuae rupi omboarasɨuka yandeYa Israel iTumpa vae re.

1 REYES 16:19

Kuae oasa, iyoa jare jeko mbaetɨ ikavi yandeYa jesa róvai jeko pegua, echa omomoe Jeroboam jeko, Israel iñemuña reta pe oyapouka mbaeyoa vae omomoe.

1 REYES 21:22

Kuae ayapota neñemuña reta pe, Jeroboam, Nabat taɨ pe ayapo rami etei, jare Baasa, Ahías taɨ pe rami, echa chemboarasɨuka reyapogüe jare reyapouka mbaeyoa Israel pe vae.”

2 REYES 21:11

“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.

2 REYES 21:4

omopüa vi mɨmba oyeyuka oyeapɨ jese vae yandeYa jo pe, kuae re yandeYa jei: “Che añonota cheree Jerusalén pe.”

2 REYES 23:10

Josías güɨröɨro güi omboai vi mbaemboete renda reta Tofet pegua, ɨvɨtɨ päu Hinom pe oï vae pegua, agüɨye vaerä ma metei ave oapɨ taɨ ani tayɨ, Moloc pe.

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

2 CRÓNICAS 36:14

Jökorai vi opaete sacerdote tenondegua reta, jare tëta pegua reta jeiete yae ikavimbae oyapo, omomoe reta tëtaguasu pegua reta jeko ikavimbae yae vae, jare yandeYa jo jae oñono tee Jerusalén pe vae omongɨa reta.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 19:2

Javoi pekua ɨvɨtɨ päu ipe kavi vae Ben-hinom pe, kuaraɨ oëa kotɨ öke oï vae re katu oï vae pe, jare joko pe emoërakua ñee reta, che amombeuta ndeve vae.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

EZEQUIEL 23:37

Jae reta mbaetɨ jupi yogüɨreko cheve, oporoyuka reta, omboete reta itumpa-raanga reta. Oapɨ imembɨ reta tumpa-raanga reta pe, jókuae cheve imembɨ reta vae.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

Hechos 7:43

Jökoraiä ko. Peraja ko tumpa-raanga Moloc jee vae oiko pɨpe vae, jare petumpa-raanga Renfán iyasɨtata. Jae reta iä peyapo peyeupe pemboete vaerä. Jáeramo che pomondota Babilonia kutɨ.”

DEUTERONOMIO 12:31

Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,

DEUTERONOMIO 24:4

mbaetɨta ipuere güɨreko ye jembirekorä jókuae tenonde yave omombo vae, imboeteambae ma jeko pegua; echa kuae, pɨ̈chɨi yae ko yandeYa jóvai, agüɨye perokomegua ɨvɨ yandeYa Tumpa omee peveguarä vae.