JEREMÍAS 32:24 - Biblia Guarani Tumpa Iñee

²⁴ Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 32:24 ပူးပေါင်းရင်းမြစ်များ

2 SAMUEL 20:15

Jare Joab jupiegua reta yogüeru oväe yave, oñova reta Seba tëta Abel-bet-maaca pe, oyapo reta iyeupe kërai oïraro vaerä tëta guasu, jare oñeova opɨta jókuae tëta; jare opaete reve Joab jupiegua reta oïraro oitɨ vaerä tëta guasu ikësea.

ISAÍAS 37:33

Jayave yandeYa jei mburuvicha guasu Asiria pegua kotɨ: ‘Ngaraa oike kuae Jerusalén pe, ngaraa ombou ikotɨ metei uvɨ ave, ngaraa oiporu iyeopiaka, ngaraa oyapo yeupika oike jokoropi vaerä.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 20:5

Ameeta vi tovaicho reta ipo pe opaete mbaeyekou kuae tëta guasu pegua, opaete mbaembae jare opaete mbaembae jepɨ vae reta, jare opaete mburuvicha guasu Judá pegua imbaembae jepɨ vae reta, güɨraja vaerä Babilonia pe.

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 29:17

‘Che, peYa Imbaepuere yae ete vae jae: Ambouta peve ñeraro, karuai jare mbaerasɨ ovakatu vae. Poapota ɨva ichuumbigüe ikaviä etei oyeu vaerä vae rami.

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 32:25

Ërei nde cheYa, rere cheve agua vaerä ɨvɨ, amboepɨ vaerä ïru vae reta jovake, yepe tëi tëta guasu oata Caldeaɨgua reta ipo pe.’ ”

JEREMÍAS 32:28

Che jae ndeve: Kuae tëta guasu che ameeta oa vaerä Caldeaɨgua reta ipo pe jare Nabucodonosor mburuvicha guasu Babilonia pegua ipo pe.

JEREMÍAS 32:3

Echa Sedequías mburuvicha guasu Judá pegua oipɨɨ yepe oñono tembipɨɨrɨru pe, jei reve: “¿Maera pa rere Tumpa jee re? ‘YandeYa jei körai: Mase, che amee kuae tëta guasu mburuvicha guasu Babilonia pegua ipo pe, jare jae opɨ̈rota,

JEREMÍAS 32:36

Ërei jeseve, yandeYa Israel iTumpa jei kuae tëta guasu kotɨ; pe reta pere ikotɨ: ‘Oñemeeta mburuvicha guasu Babilonia pegua ipo pe, kɨsepuku pe, karuai jare mbaerasɨ ovakatu vae pe.’

JEREMÍAS 32:5

jare Nabucodonosor güɨrajaukata Sedequías Babilonia kotɨ, jare joko pe opɨtata che ayu ye chupe regua; yepe tëi peñeraro Caldeaɨgua reta ndive, ërei ngaraa pepuere, Che peYa jae kuae.’ ”

JEREMÍAS 33:4

Che ndeYa, Israel iTumpa, amombeu ndeve Jerusalén jare mburuvicha guasu reta jëta Judá pegua regua, jókuae oyemboaita tembiporu ñeraro pegua jare yɨɨ pe oï vae. Ñogüɨnoe oñeraro vaerä jókuae Caldeaɨgua reta oporepeña tëta re vae ndive yave, omano vaeräño ko ñogüɨnoeta. Echa chearasɨ yae jeko pegua ameeta omano reta vaerä, echa kuae tëta güi ayembosɨrɨ, ikavimbae yae vae oyapo reta jeko pegua.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 52:4

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta ɨvɨ yeupikarä jókuae tëta guasu iyɨ́vɨri rupi.

JEREMÍAS 52:6

Irundɨa yasɨ chau araa pe, jókuae año re karuai jeiete yae ma jókuae tëta guasu pe, mbaetɨ ma oime tembiurä jókuae tëta pegua reta pe.

JEREMÍAS 6:6

Echa yandeYa Imbaepuere yae ete vae jei körai: “¡Peyasɨa ɨvɨra reta jare pemopüa yeupika, Jerusalén pe peike vaerä! Kuae tëta guasu oiporara vaerä etei ko oï, echa tɨnɨe oï ikavimbae pe.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 26:8

Jare nerëta raɨ reta ñogüɨnoi ɨguasu jembeɨ rupi vae, opata omboai reta kɨsepuku pe. Omopüata maeka ɨvate vae reta neova vaerä, omopüata yeupika oike reta vaerä ndeve, jare omondota sundaro reta yeopiaka reve reve ndeve.

EZEQUIEL 4:2

Javoi eroyere jese sundaro reta iä jare tembiporu ñeraro pegua, emopüa tëta ikësea iyɨ́vɨri rupi yeupika, eñono tembiporu tëta ikësea imbosururúa; eñono jóvai teyupa iä, tëta oñeova oï vae rami toï.

HABACUC 1:10

Oyóyai yóyai mburuvicha guasu reta jare mburuvicha reta imboetea yae vae, oyóyai tëta guasu ikësea, oyapo yeupika oike reta vaerä.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

San Mateo 24:35

Ara jare ɨvɨ opata ko, ërei cheñee reta ngaraa opa.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.