JEREMÍAS 32:22 - Biblia Guarani Tumpa Iñee

²² Remee kuae ɨvɨ kavi Israel pe, nde rerökuavee iñemuñagüe reta pe rami.

JEREMÍAS 32:22 ပူးပေါင်းရင်းမြစ်များ

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

NEHEMÍAS 9:15

Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

JEREMÍAS 11:5

Jökorai, che ambopota morogüɨrökuavee päve ayapo peñemuñagüe reta ndive vae, amee vaerä peve ɨvɨ kavi yae añave penoi vae.’ ” Jare che jae: “Añete ko cheYa.”

EZEQUIEL 20:15

Jaeramiño vi, chepo aupi reve jae chupe reta ñuu pe, mbaetɨta amaeño oike reta ɨvɨ kavi che amee chupe retaa pe, ɨvɨ ipöra yae ïru ɨvɨ reta güi vae pe;

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

NÚMEROS 14:16

“Tumpa mbaetɨ ma ipuere güɨroike kuae tëta, ɨvɨ güɨrökuavee jee re chupea pe ramo opa omokañɨtei ñuu pe.”

NÚMEROS 14:30

Pe reta mbaetɨta ko peike jókuae ɨvɨ arökuavee cheree re pevea pe; jaeño ma oiketa Caleb, Jefone taɨ, jare Josué, Nun taɨ.

DEUTERONOMIO 1:35

‘Kuae ñemuña reta güi mbaetɨ eteita oecha ɨvɨ kavi, arökuavee amee vaerä peñemuñagüe reta pe vae.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

DEUTERONOMIO 6:23

Jare orerenoe joko güi, orereru omee oreve kuae ɨvɨ güɨrökuavee jae jee re ñaneñemuñagüe reta pe vae.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 8:1

Peyeandu, pemomoe avei opaete mborookuai reta che poyókuai peyapo vaerä vae, peikove vaerä, peñemuña vaerä, jare peike vaerä pepɨ̈ro peyeupe jókuae ɨvɨ yandeYa güɨrökuavee peñemuñagüe reta pe vae.

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JOSUÉ 21:43

Körai yandeYa omee Israel iñemuña reta opaete kuae ɨvɨ, jae oñererökuavee jee re ae omee vaerä iñemuñagüe reta pe vae, oike reta opɨ̈ro jare yogüɨreko jókuae ɨvɨ pe.