JEREMÍAS 32:20 - Biblia Guarani Tumpa Iñee

²⁰ Nde reyapo mɨakañɨ reta tuichagüe Egipto pe, jare añave rupi jekuae avei reyapo ɨvɨ Israel pe jare opaete kuimbae reta ipɨte rupi, jökorai nderee jërakua yae.

JEREMÍAS 32:20 ပူးပေါင်းရင်းမြစ်များ

2 SAMUEL 7:23

Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

1 CRÓNICAS 17:21

¿Oime ra ïru tëta ɨvɨ pe tëta Israel ndembae rami vae? ITumpa güɨnoe Egipto güi imbaerä mɨakañɨ tuichagüe rupi vae, nerërakua yae vaerä. Nde remoë remombo jenonde güi ïru tëtaguasu reta,

NEHEMÍAS 9:10

Jare reyapo jeta mɨakañɨ reta Faraón kotɨ, opaete iyɨvɨrigua reta kotɨ jare opaete jëta pegua reta kotɨ, echa reikuaa oyembotuicha reve oiporarauka yae Israel iñemuña reta pe vae. Jökorai nerërakua yae repɨta añave regua.

NEHEMÍAS 9:11

Remboyao ɨguasu chupe reta, jare jökorai oasa reta jókuae remotinía rupi; ërei jaɨkuemoñaa reta opa reitɨ ɨ rugua pe, ita oyeitɨ ɨ tɨpɨ yae vae pe rami.

SALMOS 135:9

Oyapo mɨakañɨ reta Egipto pe, Faraón kotɨ jare opaete iyɨvɨrigua reta kotɨ.

ÉXODO 10:2

jare nde nemiari vaerä nderaɨ reta pe, nerɨmɨmino reta pe mbaembae reta ayapo Egipto pe vae, mɨakañɨ ayapo jese reta vae; peikuaa vaerä che ko jae peYa vae.

ÉXODO 3:20

Ërei che amopüata chepo; jare aiporaraukata Egipto pe, opaete mɨakañɨ ayapota joko pe vae rupi, jayaveño omaeñota peo.

ÉXODO 7:3

Ërei che amotätata Faraón ipɨa, jare ayapota jeta mɨakañɨ reta ɨvɨ Egipto pe.

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

ISAÍAS 63:14

YandeYa iespíritu oyangareko jese reta, metei mɨmba ogüeyɨ ɨvɨpe kavi pe rami; jökorai oyangarekose imbae vae reta re, jókuae rupi jee oyemboeteuka yae ete.

JEREMÍAS 13:11

Kia omoata ikuakuaa iyé vae rami, opaete vae Israel pegua jare Judá pegua amboatɨ tëi cheyé, yogüɨreko vaerä chembaerä, jërakua vaerä cheree jare cheyemboetea. Ërei mbaetɨ oyapo reta che jae vae. Che ndeYa jae kuae.

DANIEL 6:28

Jare kuae Daniel pe oë kavi yae opaete oyapogüe Darío oiko yave mburuvicha guasurä, jökoraiño vi Ciro Persia pegua oiko mburuvicha guasurä yave.

DANIEL 9:15

OreYa Tumpa, ndembae vae reta renoe ɨvɨ Egipto güi ndembaepuere pe, jökorai rembotuicha nderee jókuae ara güive añave regua; ërei ore oreyoa, royapo ikavimbae.

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

DEUTERONOMIO 11:3

mɨakañɨ reta Egipto pe oyapo vae, Faraón mburuvicha guasu Egipto pegua pe jare opaete iɨvɨ pegua reta pe vae re,

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

DEUTERONOMIO 6:22

YandeYa oyapo mɨakañɨ tuichagüe jare yavaetegüe Egipto pe, Faraón re jare jëta pegua reta re orerovake.

DEUTERONOMIO 7:19

Yemboaporova tuichagüe peecha vae, jare mɨakañɨ yavaetegüe, jare mbaepuere tuichagüe rupi yandeYa Tumpa oyapo perenoe vaerä vae re. Jökoraita yandeYa Tumpa oyapo opaete pekɨɨye chugüi vae.