JEREMÍAS 32:17 - Biblia Guarani Tumpa Iñee

¹⁷ ‘CheYa Tumpa, nde ndembaepuere pe reyapo ara jare ɨvɨ. Mbaetɨ etei mbae yavai ndeve.

JEREMÍAS 32:17 ပူးပေါင်းရင်းမြစ်များ

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

2 REYES 19:15

Javoi oyerure yandeYa pe, jei körai: “CheYa, Israel iTumpa, araɨgua reta querubín iä ipäu pe reiko vae, ndeño ko jae opaete mborookuaía reta ɨvɨ pegua iTumpa, nde reyapo ara jare ɨvɨ.

2 REYES 3:18

Kuae mbaeä etei ko yandeYa pe, echa jae omeeta vi pepo pe Moab iñemuña reta.

NEHEMÍAS 9:6

Jare Esdras jei: “Nde ko jae oreYa Tumpa, mbaetɨ ye kia. Nde reyapo ara, jare ara ɨvate yae vae, jare opaete yasɨtata reta; nde reyapo ɨvɨ, jare opaete pɨpegua reta, ɨguasu reta, jare opaete pɨpegua reta. Nde ko remee tekove opaete vae pe. Jáeramo, ndemboete ara ipo reta.

SALMOS 102:25

Iyɨpɨ ete pe nde ko reyapo ɨvɨ, jare ara jae ko nderembiapo.

SALMOS 136:12

imbaepuere yae rupi güɨnoe vae, echa iporoparareko jekuae avei vae ko.

ÉXODO 20:11

Echa ova ara pe ko, che peYa ayapo ara jare ɨvɨ, ɨguasu, jare opaete mbae reta oime pɨpe vae, jare aputuu chiúa ara pe; jáeramo cheporerekua ara mbutuu pegua re jare añono tee.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

JEREMÍAS 1:6

Jare che jae: “¡Atataɨ, cheYa Tumpa! Mase, ¡che mbaetɨ aikatu chemiari, echa chetaɨrusu yae vɨteri ko!”

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 27:5

Che chembaepuere pe ko ayapo ɨvɨ, kuimbae jare mɨmba reta ñogüɨnoi ɨvɨ iárambo vae, jare amee che aipota vae pe.

JEREMÍAS 32:27

“Che ko jae ndeYa, opaete oikove vae iTumpa. Mbaetɨ etei mbae yavai cheve.

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

JEREMÍAS 4:10

Jare jae: “¡Atataɨ cheYa, rembotavɨ ete kavi opaete vae reta, kuae Jerusalén pegua reta! Mbɨakatu rerökuavee chupe reta, ërei jae reta oiporara yae ñogüɨnoi.”

JEREMÍAS 51:15

YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

EZEQUIEL 11:13

Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”

EZEQUIEL 9:8

Jae reta omboɨpɨ oporoyuka yave, apɨta cheño. Jayave ayetavatɨka chetindɨasɨ reve ɨvɨ re jare cheräse reve jae: “¡CheYa Tumpa! ¿Opata pa remokañɨtei Israel iñemuña reta jembɨregüe, reitɨ ramboeve ndearasɨ Jerusalén re?”

DANIEL 2:22

Jae oechauka mbae yavai yae vae jare oyekuaambae vae; jae oikuaa mbae oime oï pɨtumimbi pe vae, echa jae ko oikuaa opaete mbaembae.

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

ZACARÍAS 8:6

Kuae omopɨakañɨ yave kuri jókuae ara rupi, tëta chembae güi jembɨregüe. ¿Cheve mɨakañɨta vi pa kuri?

NÚMEROS 11:23

Jayave yandeYa jei Moisés pe: —¿Che ndeYa mbaetɨ pa chepo? Añave reechata oyembopota ra cheñee, ani mbaetɨta ra vae.

San Mateo 19:26

Jesús omae jese reta jare jei: —Ɨvɨ pegua reta pe yavai yae vae, Tumpa pe yavaiä etei ko.

San Marcos 10:27

Jesús omae jese reta jare jei: —Ɨvɨ pegua reta pe yavai yae vae, Tumpa pe mbaetɨ ko. Echa Tumpa pe opaete mbaembae yavaiä etei ko.

San Lucas 1:37

Tumpa pe mbaetɨ etei ko mbae yavai vae.

San Lucas 18:27

Jayave Jesús jei chupe reta: —Yavai yae ɨvɨ pegua reta pe vae, Tumpa pe mbaetɨ ko.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Hechos 15:18

Che peYa aikuaauka kuae arakae güive vae, jae körai.”

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”