JEREMÍAS 31:8 - Biblia Guarani Tumpa Iñee

⁸ Aru reta yeta tëtaguasu ɨvɨtuguasu kotɨgua güi, jare opata amboatɨ ɨvɨ iyapɨ kotɨ güi. Yogüeruta jae reta ndive jesambae reta jare iköcho vae reta, kuña reta ipurúa vae jare imembɨ oa ma vae. ¡Jeta yeyé yogüeruta jupíe reta!

JEREMÍAS 31:8 ပူးပေါင်းရင်းမြစ်များ

SALMOS 107:3

ïru tëtaguasu reta güi opa omboatɨ vae reta, kuaraɨ oëa kotɨ güi, kuaraɨ oikea kotɨ güi, ɨvɨtuguasu kotɨ güi jare arayevɨ kotɨ güi.

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

JEREMÍAS 16:15

Jaeño pereta: ‘YandeYa jee re, Israel iñemuña reta güɨnoe ɨvɨtuguasu kotɨgua ɨvɨ güi vae, jare opaete ɨvɨ rupi omoai moaia kotɨ güi vae’. Che pogüeru yeta peɨvɨ pe, kuae ɨvɨ che amee peñemuñagüe reta pe vae pe.”

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 23:8

Jaeño jei retata: ‘YandeYa oikove avei vae jee re Israel iñemuña reta güɨnoe ɨvɨtuguasu kotɨgua ɨvɨ güi vae jare opaete ïru tëtaguasu reta rupi jae opa omoai moaia kotɨ güi vae.’ Jare yogüɨreko retata iɨvɨ ae pe.”

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 3:12

Ekua jare emoërakua kuae ñee remae reve ɨvɨtuguasu kotɨ, jare ere: ‘YandeYa jei: ¡Peyerova ye chekotɨ ipɨapochɨ vae Israel! Ngaraa chearasɨ aitɨ nderé, echa che cheporoparareko vae ko, ngaraa chearasɨ aiko jekuae avei. Che ndeYa jae kuae ndeve.

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

EZEQUIEL 20:34

Che pomboatɨta opaete ïru ɨvɨ rupi opa peñemoai moai peïa güi, chembaepuere pe jare chearasɨ aitɨ reve peré.

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

EZEQUIEL 34:13

Che anoeta tëta reta ñogüɨnoia rupi güi, jare amboatɨta ïru ɨvɨ güi, aruta iɨvɨ ae pe. Ayangarekota jese ɨvɨtɨ reta Israel pegua rupi, ɨ̈aka jembeɨ rupi, opaete ɨvɨ kia yogüɨreko pɨpe vae rupi.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

MIQUEAS 4:6

YandeYa jei: “Jókuae ara rupi, amboatɨ yeta chevecha iköchogüe, jopagüe jare aiporarauka chupe vae;

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

ZACARÍAS 2:6

YandeYa jei: “Che ko opa pomoai moai kerupi, petekuarai añave ɨvɨtuguasu kotɨ güi.

San Mateo 12:20

Ngaraa oakɨo täkuarasɨ opë pota ete ma vae. Ngaraa vi ombogüe mechero ogüe pota ete ma vae, ndei oporomoamɨri oporojäa vaerä mbove.

San Juan 21:15

Opa ma okaru reta yave, Jesús jei Simón Pedro pe: —Simón, Jonás taɨ, ¿cheraɨu yae pa kuae reta güi? Pedro jei: —Roaɨu, cheYa. Nde reikuaa ko che roaɨu vae. Jesús jei chupe: —Emongaru chevecha kuimbae taɨrusu vae reta.

1 Corintios 8:10

Echa güɨramoi amogüe ndererovia katu vae ndereecha reguapɨ reï tumpa-raanga oïa pe yave, güɨramoi jae mbaetɨ ipɨ̈rata iporogüɨrovia pe yave remokɨ̈reɨta jou vaerä soo oñemee tumpa-raanga reta pe.

DEUTERONOMIO 30:4

Yepe tëi peɨvɨ güi oyemombogüe reta, opa oñemoai ñogüɨnoi mombɨrɨ ïru ɨvɨ rupi, joko güi yandeYa Tumpa pereru yeta;

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

Hebreos 12:12

Jáeramo, pemopüa pepo ipɨtu vae reta jare petava omɨimbae vae.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.