JEREMÍAS 31:7 - Biblia Guarani Tumpa Iñee

⁷ YandeYa jei: “Petairari vɨakatu jare yerovia katu pegua tairari Jacob iñemuña reta re, echa jae reta ko tenondegua opaete tëtaguasu reta güi vae. Peenduka pembaemboete, pere: ‘YandeYa oepɨ imbae vae reta, Israel güi jembɨregüe.’

JEREMÍAS 31:7 ပူးပေါင်းရင်းမြစ်များ

SALMOS 106:47

¡Orereepɨ OreYa Tumpa! ¡Orereru ye tëtaguasu reta güi, orepuere vaerä romboete nderee ikɨambae vae, romboete vaerä royerovia katu reve!

SALMOS 126:2

Jayave ropuka, rotairari royerovia ramo. Jayave tëtaguasu pegua reta jei: “¡Tumpa omborɨ tuicha rupi kuae reta!”

SALMOS 14:7

¡Mbae mona Sión güi oë Israel peguarä yereroasayepe! YandeYa oñono kavi ye ma yave teko imbae vae pe. Oyeroviata jare ovɨakatuta tëta Israel, Jacob iñemuña reta.

SALMOS 28:9

CheYa, eroasayepe ndembae vae reta; ndeporerekua ndembae vae reta re. Eyangareko jese reta, vecha iyangarekoa oyangareko jɨmba re rami; ¡emae kavi avei jese reta!

SALMOS 67:1

CheRu Tumpa, oreparareko jare ndeporerekua oreré, emae kavi oreré,

SALMOS 69:35

Echa Tumpa oepɨta Sión, jare omopüa pɨau yeta tëta guasu reta Judá pegua; yogüɨrekota pɨpe vae jare imbaerä oikota.

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 37:31

Jare Judá pegua reta güi jembɨregüe, temitɨ jokɨ pɨau jare ia ye vae ramita,

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 52:8

¡Jare sundaro ɨvate güi omae vae reta isapúkai oyeenduta! Osapúkai retata, opareve osapúkai retata yerovia katu reve; echa jae reta etei oechata yandeYa oyerova ye ma Sión kotɨ vae.

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

JEREMÍAS 20:13

¡Petairari yandeYa pe, pemboete yandeYa! Echa jae oepɨ oyererekoasɨ katu vae, jeko kavimbae reta ipo güi.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 3:23

Mbaetɨ etei mbaerä osirive oreve rosapúkai ɨvɨtɨ re vae; jaeño nde oreYa Tumpa re roväe yemborɨ.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

JOEL 2:32

Jare kia nunga ñavo oyerure yave cheve, oyereroasayepeukata; echa ɨvɨtɨ Sión jae ko Jerusalén, joko pe oimeta yereroasayepe, che jae rami. Jare aiparavogüe jembɨregüe güi oyereroasayepeta aenɨi vae.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

Romanos 11:5

Jökorai vi añave oime amogüe jembɨre, Tumpa oiparavo ipɨakavi rupi vae.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

DEUTERONOMIO 28:13

YandeYa peñonota tenonde, mbaetɨta peñono iyapɨ pe; pembaepuere aveita opaete vae güi, mbaetɨta peiko jae reta imbaepuere pe, peyapo yave yandeYa Tumpa iporookuai poyókuai añave vae,

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”