JEREMÍAS 31:6 - Biblia Guarani Tumpa Iñee

⁶ Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

JEREMÍAS 31:6 ပူးပေါင်းရင်းမြစ်များ

2 CRÓNICAS 13:4

Jayave Abías oyeupi ɨvɨtɨ Zemaraim re, jae ko ɨvɨtɨ reta Efraín pe ñogüɨnoi vae re, osapúkai reve jei: “¡Jeroboam jare opaete Israel pegua reta, peyeapɨsaka cheré!

ESDRAS 1:5

Jayave oyupavo Judá jare Benjamín iñemuña itenondegua reta, sacerdote reta jare levita reta, opaete jókuae Tumpa omokɨ̈reɨ ipɨa pe yogüeru ye vaerä omopüa yandeYa jo vae reta, Jerusalén pe.

SALMOS 84:5

¡Oyerovia ko, kuimbae nderé ipɨ̈rata vae, jókuae ipɨa pe güɨnoi reta kɨ̈reɨ ngatu oguata vaerä vae!

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

JEREMÍAS 50:19

Israel aru yeta iɨvɨ pe, jare vecha jeta güɨnoi kapii Carmelo pe jare Basán pe vae ramita; ɨvɨtɨ guasu reta Efraín jare Galaad pe yangapɨɨta.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

EZEQUIEL 3:17

“Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

EZEQUIEL 33:2

“Nde kuimbae, nemiari nerëtaɨgua reta pe, ere chupe reta: ‘Che ambou metei tëta pe ñeraro yave, jare jókuae tëta pegua reta oiparavo metei kuimbae omae vaerä vae yave.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 9:8

Ñeemombeúa jae ko Tumpa pe omae Efraín re vae, ërei pe reta peñono ñuai japerä ñavo pe, jare tupao pe ave omotareɨ reta vae.