JEREMÍAS 31:37 - Biblia Guarani Tumpa Iñee

³⁷ Metei ara oñejäa yave ara, jare oñemae ɨvɨ iguapɨka re yave, jókuae ara aröɨrota cheyeugüi Israel iñemuña reta opaete oyapogüe re. Che peYa ko jae kuae.”

JEREMÍAS 31:37 ပူးပေါင်းရင်းမြစ်များ

JOB 38:18

¿Reikuaa pa ɨvɨ ipɨguasugüe? Reikuaa yave ere opaete kuaekuae reta.

SALMOS 89:2

Amoërakuata ndeporoparareko jae ko opambae vae; mbaetɨi oyepoepɨ, ara mbaetɨi oyepoepɨ rami.

PROVERBIOS 30:4

¿Kia pa oyeupi ara kotɨ jare ogüeyɨ ye? ¿Kia pa ipuere oipɨɨ ɨvɨtu? ¿Kia pa ipuere ɨ oyapɨkua? ¿Kia pa opa oñono kavi ɨvɨ jembeɨ reta? ¿Mbae pa jee, jare mbae pa taɨ jee? ¡Ere cheve reikuaa yave!

ISAÍAS 40:12

¿Kia pa ojäa ipo mbɨte pe ɨguasu, ani ojäa ipoäka pe ara reta, jare mboapɨ ipoäka pe omboatɨ ɨvɨkúi ɨvɨ pegua, jare ojäa mbaejäaka pe ɨvɨtɨ guasu reta jare ɨvɨtɨ reta?

ISAÍAS 54:9

“Jáeramo, Noé oiko yave ramita, Noé pe añererökuavee cheree ae re, ngaraa ye ma ɨvɨ opa amboai vaerä ɨ pe, jökorai vi añave, añererökuavee cheree ae re, ngaraa ye ma chearasɨ ndekotɨ, ngaraa ye ma añeengata ndeve.

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”