JEREMÍAS 31:35 - Biblia Guarani Tumpa Iñee

³⁵ YandeYa, oyapo kuaraɨ omboesape vaerä ara pe vae, yasɨ jare yasɨtata reta omboesape vaerä pɨ̈tu rupi vae, ɨguasu oipɨu jare ɨaparúa jɨapu oyapo vae, jae ko jee yandeYa Imbaepuere yae ete vae; jei körai:

JEREMÍAS 31:35 ပူးပေါင်းရင်းမြစ်များ

JOB 26:12

Jae oipɨguara ɨguasu imbaepuere pe, ipoki rupi omoamɨri mbaeporou Rahab.

JOB 38:33

¿Reikuaa pa nde kërai ko ara re ñogüɨnoi vae reta? ¿Jókuae mbaepuere joko pegua pa reipota reyapo ɨvɨ pe?

SALMOS 106:9

Iñee omoë Ɨguasu Pɨ̈ta vae pe, jare oyemboyao. Jeta vae güɨroasa ɨ rugua rupi, ñuu rupi oasa rami.

SALMOS 119:89

CheYa Tumpa, neñee ko oiko avei vae ara pe.

SALMOS 119:91

Neñee rupi jekuaeño yogüɨreko opaete mbaembae reta, echa opaete jókuae reta oiko nde rerea re.

SALMOS 148:6

jae oyapo opaete mbaembae jekuae avei pegua, jare oñono chupe reta mborookuai ngaraai oyepoepɨ vae.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 72:5

¡Toipoɨu ndegüi jekuae avei rupi, kuaraɨ jare yasɨ oime ramboeve!

SALMOS 74:13

Remboyao ɨguasu ndembaepuere pe, reyoka ɨ rupigua mbaeporou reta iñäka.

SALMOS 74:16

Ndembae ko ara jare ndembae vi ko pɨ̈tu; nde ko reñono yasɨ jare kuaraɨ.

SALMOS 78:13

Omboyao ɨguasu, jare güɨroasa reta mbɨte rupi, ovapetea rami ɨ oyemboatɨ opɨta.

SALMOS 89:2

Amoërakuata ndeporoparareko jae ko opambae vae; mbaetɨi oyepoepɨ, ara mbaetɨi oyepoepɨ rami.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 51:15

Echa che ko ndeYa, amomembe ɨguasu vae, jare ambojɨapu ɨaparúa. Che ko neTumpa, ndeYa Imbaepuere yae ete vae, jae ko cheree.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

JEREMÍAS 33:20

“Che, ndeYa jae: Mbaetɨ ko kia ipuere oipoepɨ yemongeta ayapo ara jare pɨ̈tu ndive vae, pɨ̈tu jare köe vaerä iora pe kavi,

JEREMÍAS 33:25

Che, ndeYa jae: Che, ayapo yemongeta ara ndive jare pɨ̈tu ndive vae, jare ara jare ɨvɨ oiko aveita cheporookuai rupi.

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

JEREMÍAS 46:18

Cheyé aeño arökuavee, jei Mburuvicha guasu yandeYa Imbaepuere yae ete, jee vae. Ɨvɨtɨ guasu Tabor tuicha yae ïru ɨvɨtɨ reta güi rami, jare ɨvɨtɨ guasu Carmelo ɨvate ɨguasu güi rami, jökorai jókuae tovaicho outa vae.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

AMÓS 9:8

YandeYa omae oï kuae tëta pegua iyoa vae reta re, jare jei: “Amboaita ɨvɨ iárambo güi, ërei mbaetɨta opaetei amboai Jacob iñemuña reta.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.