JEREMÍAS 31:33 - Biblia Guarani Tumpa Iñee

³³ Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 31:33 ပူးပေါင်းရင်းမြစ်များ

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

1 REYES 8:58

Yandepɨa ñañono ikotɨño yayapo vaerä opaete jae jemimbota jare ñañovatu iporookuai reta, mborookuai reta oyókuai ñaneñemuñagüe reta oyapo vaerä vae.

SALMOS 37:31

ITumpa iporookuai oï ipɨa pe, jáeramo ngaraai ogüɨapi.

SALMOS 40:8

Nderemimbota ayapo vae chemboyerovia cheRu Tumpa. ¡Ndeporookuai oï chepɨa pe!”

SALMOS 40:9

Amoërakua jupi vae jeta yae vae oyemboatɨa pe, mbaetɨ chekïrii apɨta, cheYa, nde reikuaa.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

PROVERBIOS 7:3

Ereko nepoäka re, ereko avei ndepɨa pe.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

JEREMÍAS 17:1

Tëtaguasu Judá, ndeyoa oyekuatía oï tapiyu pe oyekuatía rami, jare ita täta yae vae itï pe rami oyekuatía oï ndepɨa re, jare mɨmba oyeyuka oyeapɨ jese vae re guakarätiecha oï vae re.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 30:22

Yogüɨrekota chembae retarä jare che aikota iTumparä. Che peYa ko jae kuae.”

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

JEREMÍAS 32:38

Jare yogüɨrekota chembae retarä jare che aikota jae reta iTumparä.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

EZEQUIEL 37:27

Chero mbaemboetea pegua añonota jae reta ipɨte pe, che aikota iTumparä jare jae reta yogüɨrekota chembaerä.

OSEAS 2:20

Pogüɨrekota cheyeupe jupi rupi, jare chekuaata che ko jae peYa vae.

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

Romanos 11:27

Jae kuae cheporogüɨrökuavee päve jae reta ndive, amboai yave imbaeyoa reta.”

Romanos 7:22

Echa cheɨvɨte pe avɨakatu Tumpa iporookuai re;

2 Corintios 3:3

Echa opaete vae ipuere oikuaa kërai pe reta ko jae metei tupapire Cristo güi ore rogüeru vae rami. Pe reta ko metei tupapire Tumpa oikove vae iEspíritu pe oyekuatía vae rami, mbaetɨ ko metei tupapire tinta pe oyekuatía vae rami. Mbaetɨ ko ita ipe vae re rami, oikuatía ko pepɨa re etei.

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

1 Tesalonicenses 4:9

Ërei mboroaɨu penoi vae regua, aecha mbaetɨ jupi aikuatía vaerä peve. Echa peikuaa ma Tumpa pemboe ma ko peyoaɨu vaerä.

Hebreos 10:16

“Kuae morogüɨrökuavee päve ayapota jae reta ndive, jókuae ara reta taɨkuegua pe, cheporookuai reta añonota jare aikuatiata jae reta ipɨa pe.”

Hebreos 8:10

Jáeramo, kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; aikota jae reta iTumparä jare jae reta yogüɨrekota chembaerä.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.