JEREMÍAS 31:32 - Biblia Guarani Tumpa Iñee

³² Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 31:32 ပူးပေါင်းရင်းမြစ်များ

1 REYES 8:9

Käjou pe jaeño oï mókoi ita ipe vae, Moisés oñono pɨpe Horeb pe vae, jae ko morogüɨrökuavee päve yandeYa oyapo Israel iñemuña reta ndive Egipto güi ñogüɨnoe reta yave vae.

SALMOS 73:23

Ërei jeseve, che aiko avei nde ndive; nde chepoko cheakatu kotɨ.

SALMOS 78:37

Echa ipɨa reta mbaetɨi jupi rupi kavi Tumpa kotɨ, mbaetɨ vi morogüɨrökuavee päve oyapo reta.

ÉXODO 19:5

Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.

ÉXODO 32:8

Jarembae yae opia reta che ayókuai reta vae güi, oyapo reta iyeupe toro taɨrusu vae iä oro pegua, oyemondɨkui oyeapo vae, omboete reta jare omee reta chupe mɨmba oyeyukagüe, jare jei reta: “¡Israel iñemuña reta, kuae ko jae petumpa, ɨvɨ Egipto güi perenoe vae!”

CANTARES 8:5

¿Kia pa kuae ñuu kotɨ güi ou vae, iñäka omboyeko ou, oaɨu vae iyatiɨ re vae? Ɨvɨra manzana igüɨ pe romomba; joko pe ndesɨ imembɨrasɨ, joko pe ndesɨ oyekuaku, jare rea.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 41:13

Echa, che ko jae ndeYa Tumpa, che jae ropoko rogüɨroata vae; che jae ndeve: ‘Agüɨye ekɨɨye, che ko romborɨta.’ ”

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

JEREMÍAS 11:3

ere chupe reta: YandeYa, Israel iTumpa jei: ‘Tijeko topɨta jókuae morogüɨrökuavee päve pegua ñee reta mbaetɨ omboete vae.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 22:9

Jare jeita chupe reta: ‘Echa oeya reta morogüɨrökuavee päve iYa Tumpa omee chupe reta vae, omboete reta tumpa ambuae reta jare oyeokuai reta chupe.’ ”

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

JEREMÍAS 34:13

“Che, ndeYa Israel iTumpa, ayapo morogüɨrökuavee päve peñemuñagüe reta ndive anoe reta yave ɨvɨ Egipto güi, jókuae oyeokuaiasɨ katúa güi. Ayókuai reta

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

EZEQUIEL 20:37

Che popapata, metei vecha iyangarekoa oipapa kavi ivecha reta rami, jare pomoingeta peiko vaerä morogüɨrökuavee päve pe.

EZEQUIEL 23:4

Tenondegua jee Ahola, jae ko Samaria, jare ipɨkɨɨ jee Aholiba, jae ko Jerusalén. Kuae reta ndive che amenda, jare imembɨ reta cheve.

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

OSEAS 2:2

YandeYa jei: “¡Pemboeta pesɨ pe, echa mbaetɨ ma ko roiko kavi jae ndive! ¡Agüɨye mo tiyaguasa pota toiko! ¡Tombosɨrɨ mo iyeugüi iyaguasa reta!

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

San Marcos 8:23

Jayave Jesús oipoko güɨraja kuimbae jesambae vae tëta raɨ güi ikatu pe; jare ondɨvɨ kuimbae jesa re, jare oñono ipo jese jei reve: —¿Reecha pa mbae?

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

Hechos 23:19

Jayave sundaro jeta vae juvicha oipoko kunumi, jare güɨraja ïkotɨa. Jayave oparandu chupe: —¿Mbae pa remombeuta cheve?

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

DEUTERONOMIO 29:1

Kuae jae ko ñee reta morogüɨrökuavee päve pegua, yandeYa oyókuai Moisés oyapo vaerä Israel iñemuña reta ndive ɨvɨ Moab pe vae, jókuae morogüɨrökuavee päve oyapo Horeb pe vae oime güire.

DEUTERONOMIO 29:21

YandeYa ombosɨrɨta opaete Israel iñemuña reta güi, jare ombouta jese ikavimbae, yepopeyu reta morogüɨrökuavee päve pegua oyekuatía oï tembikuatía mborookuai pegua pe vae.

DEUTERONOMIO 29:24

Jayave opaete tëtaguasu pegua reta jeita: ‘¿Maera ra Tumpa jökorai oyapo kuae ɨvɨ? ¿Mbae re ra iyarasɨ mbatee?’

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 5:2

YandeYa Tumpa oyapo yande ndive morogüɨrökuavee päve ɨvɨtɨ Horeb pe.

DEUTERONOMIO 5:3

Mbaetɨ ñaneñemuñagüe reta ndiveño oyapo kuae morogüɨrökuavee päve, oyapo vi añave kuae pe yaikoveño ñaï vae ndive.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.