JEREMÍAS 31:28 - Biblia Guarani Tumpa Iñee

²⁸ Aïndaivi aapomondoro vaerä jare ambosururu vaerä; ambojopa vaerä jare amokañɨ vaerä; jare ambopɨatɨtɨ vaerä: Jökorai vi aïndaivi amopüa ye vaerä jare ambopɨau ye vaerä.

JEREMÍAS 31:28 ပူးပေါင်းရင်းမြစ်များ

JOB 29:2

¡Mbae mona aiko ye tenonde yave rupi aiko rami! Tenonde yave rupi Tumpa oyangareko cheré rami.

SALMOS 102:16

YandeYa omopüa ye Sión yave, oyekuaa iyemboetea yave,

SALMOS 147:2

YandeYa omopüa pɨau ye Jerusalén; güeru yeta Israel iñemuña reta opa iɨvɨ güi oyererajagüe.

SALMOS 69:35

Echa Tumpa oepɨta Sión, jare omopüa pɨau yeta tëta guasu reta Judá pegua; yogüɨrekota pɨpe vae jare imbaerä oikota.

JEREMÍAS 1:10

Kuae ara roñono tëtaguasu reta re jare mburuvicha guasu reta iporookuaía re, reapomondoro vaerä jare remboai vaerä, rerokomegua vaerä jare reitɨ vaerä, jare vi remopüa ye vaerä jare rembopɨau ye vaerä.”

JEREMÍAS 1:12

Jare yandeYa jei cheve: “Jaekavi rere. Echa jökorai aïndaivi ambopo vaerä cheñee.”

JEREMÍAS 24:6

Ayangarekota jese reta, jare aru yeta kuae ɨvɨ pe. Amopüa reta yeta jare ngaraa ma amboai ye, añono retata jenda pe jare ngaraa ma anoe ye.

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

JEREMÍAS 32:42

YandeYa jei ye: “Jókuae susere yavaetegüe ambou kuae tëta re rami, ambouta vi ikavigüe kuae tëta re, amoërakua rami.

JEREMÍAS 42:10

‘Peipota pepɨta yave kuae ɨvɨ pe, che ameeta peve peiko kavi vaerä; ngaraa pomokañɨtei, ameeta peve peñemoëta kavi vaerä jare ngaraa ma pogüɨnoe, echa chembopɨatɨtɨ ambou peve jókuae susere vae.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 45:4

Jare cheokuai jae vaerä ndeve: ‘Che amopüagüe amboai, jare añono jenda pe vae amokañɨtei. Jökoraita ko ayapo opaete ɨvɨ.

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

EZEQUIEL 36:10

Jare omoñemuñata jeta Israel iñemuña reta kuae pe. Tëta guasu reta ipo yeta jare tëtagüe reta oñemopüa yeta.

DANIEL 9:14

CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

ZACARÍAS 8:14

YandeYa Imbaepuere yae ete vae jei körai: “Ayemongeta ikavimbae ayapo vaerä peñemuñagüe reta pe chemboarasɨuka ramo, jare mbaetɨ aipoepɨ cheyemongeta.

ZACARÍAS 8:15

Ërei añave ayemongeta ayapo ikavi vae Jerusalén kotɨ, jare Judá pegua reta kotɨ; agüɨye pekɨɨye.

Hechos 15:16

“Kuae jaɨkue rupi ayu yeta, jare amopüa pɨau yeta David jo opa osururu oïgüe. Amopüa yeta osururugüe, jare ambopɨauta,

DEUTERONOMIO 30:9

Jayave yandeYa Tumpa pemboyekouta opaete mbaembae peyapo vae rupi, pemichia reta rupi, perɨmba reta rupi, peremitɨ ia reta rupi, ikavi yae vaerä; echa yandeYa oyerovia yeta peré ikavi vae rupi, peñemuñagüe reta re oyeroviase rami,