JEREMÍAS 31:21 - Biblia Guarani Tumpa Iñee

²¹ Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

JEREMÍAS 31:21 ပူးပေါင်းရင်းမြစ်များ

1 CRÓNICAS 29:3

Opaete kuae reta añono kavi ma tupao peguarä vae reve, cheporoaɨu cheTumpa jo kotɨ ramo amee chembaembae jepɨ vae oñeñovatúa güi tupao peguarä oro jare korepoti:

2 CRÓNICAS 11:16

Jare opaete ñemuña reta Israel pegua ipɨa pe oyemongeta oeka yandeYa Israel iTumpa vae, yogüɨraja vi sacerdote jare levita reta rami Jerusalén kotɨ, omee vaerä mɨmba oyeyukagüe yandeYa pe, iñemuñagüe reta iTumpa pe.

2 CRÓNICAS 20:3

Jayave Josafat okɨɨye; jare oñemomichi reve oparandu yandeYa pe. Jare omoërakuauka opaete Judá pegua reta pe oyekuaku vaerä tembíu güi.

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

SALMOS 84:5

¡Oyerovia ko, kuimbae nderé ipɨ̈rata vae, jókuae ipɨa pe güɨnoi reta kɨ̈reɨ ngatu oguata vaerä vae!

PROVERBIOS 24:32

Kuae aecha yave opɨta chepɨa pe, aecha yave opɨta metei yemboe rami cheve, jae ko:

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 57:14

Jayave oyeenduta jei: “Peyapo kavi jare pemboipe tape, pembosɨrɨ tape güi mbae oporomboavai vae reta, chembae vae reta oasa vaerä.”

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

JEREMÍAS 3:12

Ekua jare emoërakua kuae ñee remae reve ɨvɨtuguasu kotɨ, jare ere: ‘YandeYa jei: ¡Peyerova ye chekotɨ ipɨapochɨ vae Israel! Ngaraa chearasɨ aitɨ nderé, echa che cheporoparareko vae ko, ngaraa chearasɨ aiko jekuae avei. Che ndeYa jae kuae ndeve.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

JEREMÍAS 46:11

¡Egipto, ekua Galaad pe eeka moa! ¡Yepe tëi jeta moa reiporu, mbaetɨ eteita ikavi ndeve, echa mbaetɨ moa ndeveguarä!

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

JEREMÍAS 51:50

Peasayepe mano güi vae reta, petekuarai pepɨtambae reve; jare yepe tëi mombɨrɨ peï, pemaendúa yandeYa re jare Jerusalén re.

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

JEREMÍAS 6:16

YandeYa jei imbae vae reta pe: “Peyemboɨ tape reta rupi jare pemae, peparandu tape reta ñɨma yae vae re, kia nunga tape ra jae ikavi vae; peguata jupi jare peväeta mbutuu peyeupe.” Ërei jae reta jei: “Mbaetɨ, ngaraa roguata jupi.”

EZEQUIEL 40:4

Jókuae kuimbae jei cheve: “Nde kuimbae, emae jare eyeapɨsaka kavi, agüɨye neakañɨ opaete aechaukata ndeve vae güi, echa jaerä ko ndereru kuae pe. Kuae reecha vae re nemiari Israel iñemuña reta pe.”

HAGEO 1:5

YandeYa Imbaepuere yae ete vae jei körai: Peyemongeta kavi pereko reta re.

ZACARÍAS 10:9

Che ko amoai reta tëta guasu reta rupi, ërei yepe tëi ñogüɨnoi mombɨrɨ, imaenduata cheré, yogüɨrekota taɨ reta ndive jare oyerova reta yeta.

DEUTERONOMIO 32:46

Jare jei Israel iñemuña reta pe: “Peendu kavi opaete ñee reta chemiari añave vae re, pemboe vaerä peraɨ reta, oyeandu reve kavi oyapo reta vaerä opaete ñee reta kuae mborookuai pegua.