JEREMÍAS 31:18 - Biblia Guarani Tumpa Iñee

¹⁸ Aendu tëta Efraín oyaeo jasɨ katu reve jei: ‘Che, metei toro taɨrusu imasombae rami yepi, ërei nde chenupa jare chemomaso; chemboyerova ye ndekotɨ, echa nde jae cheYa Tumpa.

JEREMÍAS 31:18 ပူးပေါင်းရင်းမြစ်များ

JOB 5:17

Mase, oyekou ko jókuae kuimbae Tumpa oiporarauka chupe vae. Jáeramo agüɨye eröɨro Imbaepuere yae ete vae iporonupa.

SALMOS 118:18

YandeYa täta oiporarauka cheve chereko re, ërei mbaetɨ omaeño amano.

SALMOS 119:67

Ndei añemomichiuka mbove, ayapo jeta ikavimbae, ërei añave ayapo neñee jeigüe.

SALMOS 119:75

CheYa Tumpa, aikuaa ndeporookuai jupi ko, jupi ko reiporarauka cheve yave.

SALMOS 31:15

Ndepo pe ko oï aikove aiko vae, chereepɨ cherovaicho reta güi jare chepïaro vae reta güi.

SALMOS 32:9

Agüɨye eiko ndearakuaambae kavayu rami ani mburikaguasu rami, echa kuae reta, kayurupegua jare itïguaa jeia reño yogüɨreko; echa kuaembae reve, ngaraa oya nderé.”

SALMOS 80:19

CheYa, Tumpa Imbaepuere yae ete vae, ¡oremopüa pɨau ye! ¡Emae oreré jare orereroasayepe!

SALMOS 80:3

CheRu Tumpa, ¡oremopüa pɨau ye! ¡Emae kavi oreré jare orereroasayepe!

SALMOS 80:7

CheRu Tumpa Imbaepuere yae ete vae, ¡oremopüa pɨau ye! ¡Emae oreré, jare orereroasayepe!

SALMOS 85:4

CheRu Tumpa, orereroasayepe vae, ¡oremopüa pɨau ye! ¡Ndearasɨ poi mo orekotɨ!

SALMOS 94:12

CheYa Tumpa, toyekou jókuae kuimbae, nde rembosɨmbi vae, jare ndeporookuai reta re remboe vae,

PROVERBIOS 26:3

Tarero, kavayu peguarä ko, mɨmba itïguaa, mburika peguarä ko; jare chikote, yarakuaambae peguarä.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

PROVERBIOS 3:11

Cheraɨ, agüɨye eröɨro yandeYa oiporarauka ndeve yave, agüɨye ave tandembogüérai iporombosɨ mbi.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

ISAÍAS 53:7

Oiporara jare ipɨatɨtɨ jae, mbaetɨ etei iñee omoë; vecha kuimbae oyereraja mbaeyukaa pe rami; jare vecha mbaetɨ jäse iñapía reta ipo pe rami, kïrii ngatu, mbaetɨ etei iñee omoë.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

LAMENTACIONES 5:21

¡OreYa Tumpa, orereru ye ndekotɨ, jare ore royerova yeta! ¡Toroiko ye tenonde yave roiko rami!

EZEQUIEL 20:43

Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 10:11

Efraín pegua reta guaka imaso vae rami yepi, ikɨ̈reɨ ngatu ombaembopiriri. Ërei añave che ayokua yuvo jese omoata vaerä käretou; jare Judá pegua reta omoatata arao, jare Jacob iñemuña reta omoatata ɨvɨ omongúi pɨpe vae.

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

JONÁS 3:10

Jare Tumpa oecha jae reta oyapogüe, kërai oyepoepɨ reta jeko kavimbae güi vae; jare oipoepɨ iyemongeta ikavimbae oyapota tëi chupe reta vae, jare mbaetɨ oyapo.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

MALAQUÍAS 4:6

Jae ombopɨakatu yoyavita oyokotɨ kuimbae reta ñavo taɨ reta ndive, echa mbaetɨ yave jökorai, che ayuta opaetei amboai kuae ɨvɨ.”

NÚMEROS 2:18

Kuaraɨ oikea kotɨ toyembojeyupa opaete Efraín ibandera ndive ñogüɨnoi vae reta; jae reta itenondegua ko Elisama, Amiud taɨ;

San Lucas 1:17

Ojota yandeYa jenonde Elías mbaepuere güɨnoi rami, oaɨuuka vaerä tu reta pe imichia reta jare Tumpa kotɨ oyembopɨapochɨ vae reta yogüɨreko vaerä jupi vae reta rami. Jökorai Israel pegua reta oäro vaerä yandeYa.

San Lucas 15:20

Jayave oyerova ye tu jëta kotɨ. Ërei mombɨrɨ peve tu oecha jare oiparareko. Jayave tu osɨi oövaiti taɨ, oiküava jare oovapɨte.

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Hebreos 12:5

Jare peakañɨ ma Tumpa pemboarakuaa taɨ rami vae güi, jei reve: “Cheraɨ, agüɨye eröɨro ndeYa oiporarauka ndeve yave, agüɨye vi ndekuérai omboeta ndeve yave.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.