JEREMÍAS 31:11 - Biblia Guarani Tumpa Iñee

¹¹ Echa yandeYa güɨnoe ye Jacob iñemuña reta, oyora metei tëtaguasu imbaepuere yae ete chugüi reta vae güi.

JEREMÍAS 31:11 ပူးပေါင်းရင်းမြစ်များ

SALMOS 142:6

Eyeapɨsaka cheyerure re, echa chepɨatɨtɨ yae aï. Chereepɨ chemomburu vae reta güi, echa jae reta imbaepuere yae chegüi.

ÉXODO 15:16

¡Toa jese reta ñeiämondo jare kɨɨye! ¡Ndeyɨva imbaepuere jeko pegua topɨta reta kïrii ita rami, opa regua oasa ndembae vae reta, cheYa, opa regua oasa ndembae vae reta reyora vae!

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 49:24

¿Ipuereta ra kia opɨ̈ro sundaro jëia vae güi, jókuae mbae ñeraroa güi güerugüe? Ani ¿ipuereta ra tembipɨɨ reta otekuarai mburuvicha jëia yae vae güi?

ISAÍAS 49:25

Ërei yandeYa jei körai: “Ipuere ko, sundaro jëia vae güi oñepɨ̈ro mbae ñeraroa güi güerugüe, ipuere ko, tembipɨɨ otekuarai mburuvicha jëia vae güi. Che tañemoë, oñeapo nderé vae reta kotɨ, che etei aroasayepeta nemembɨ reta.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

JEREMÍAS 15:21

Rogüɨroasayepeta jeko kavimbae vae reta ipo güi, ¡rogüɨroasayepeta jëia vae reta ipo güi!”

JEREMÍAS 50:33

YandeYa Imbaepuere yae ete vae jei: “Israel pegua reta jare Judá pegua reta pe oiporarauka yae ñogüɨnoi. Jovaicho reta güɨnoi tembipɨɨrä, mbaetɨ oipota oyora reta.

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

LAMENTACIONES 3:58

CheYa, nde chereroasayepe tovaicho güi, nde reepɨ cherekove.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

ZACARÍAS 9:16

Jókuae ara yandeYa Tumpa güɨroasayepeta imbae vae, mɨmba iyangarekoa jɨmba güɨroasayepe rami. Jare ita jembipe vae äka-regua rami jembipeta iɨvɨ pe.

San Mateo 12:29

Metei kuimbae ¿ipuere pa oike ipɨ̈rata vae jo pe, opɨ̈ro vaerä imbaembae chugüi oipokuambae reve? Oipokuata räri ko, jayave ramo ipuere opɨ̈ro imbaembae jo pegua.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 22:29

Ërei Jesús jei chupe reta: —Peyavɨ ko. Mbaetɨ ko peikuaa kavi Tumpa Iñee jare Tumpa imbaepuere.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.