JEREMÍAS 31:1 - Biblia Guarani Tumpa Iñee

¹ YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

JEREMÍAS 31:1 ပူးပေါင်းရင်းမြစ်များ

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

SALMOS 144:15

¡Oyerovia ko tëta jökorai oiko vae! ¡Oyerovia ko, tëta iTumpa jae ko yandeYa vae!

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

ISAÍAS 20:6

Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:22

Yogüɨrekota chembae retarä jare che aikota iTumparä. Che peYa ko jae kuae.”

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:38

Jare yogüɨrekota chembae retarä jare che aikota jae reta iTumparä.

JEREMÍAS 33:14

YandeYa jei: “Mase, oväeta ara, che ambopo vaerä cheñererökuavee Israel pegua reta pe jare Judá pegua reta pe vae.

JEREMÍAS 33:7

Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

EZEQUIEL 34:24

Che peYa aikota peTumparä jare cherembiokuai David rami vae peruvicharä. Che peYa Tumpa jae kuae.

EZEQUIEL 34:31

Pe reta ko jae chevecha reta rami, vecha reta cherɨmba rókai pegua. Che peYa ko jae kuae.”

EZEQUIEL 36:28

Peikota ɨvɨ amee peñemuñagüe reta pe vae pe, peikota chembaerä, jare che aikota peTumparä.

EZEQUIEL 39:22

Jókuae ara güive tenonde kotɨ, Israel iñemuña reta oikuaata che ko jae iYa Tumpa vae.

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Hebreos 12:16

jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.